ഇമോഷണല് സീന് ഷൂട്ട് ചെയ്യുന്ന സമയത്ത് കട്ട് പറഞ്ഞാല് മമ്മൂട്ടി അതിന്റെ ഭാരവും റിലീഫും പ്രകടിപ്പിക്കില്ലെന്ന് പറയുകയാണ് സിബി മലയില്. എന്നാല് മോഹന്ലാല് അങ്ങനെ അല്ലെന്നും അദ്ദേഹം സ്റ്റാര്ട്ടിനും കട്ടിനും ഇടയില് മാത്രം അഭിനയിക്കുന്ന ആളാണെന്നും സംവിധായകന് പറഞ്ഞു.
എത്ര ഇമോഷണലായ സീന് ചെയ്യുന്നതിന് മുമ്പും മോഹന്ലാല് തമാശ പറഞ്ഞിരിക്കുമെന്നും ആ ചിരിയുടെ ഇടയില് സ്റ്റാര്ട്ട് പറഞ്ഞാല് വന്ന് അഭിനയിക്കുമെന്നും സിബി പറയുന്നു. അത്രയും എളുപ്പത്തില് സ്വയം ഷിഫ്റ്റ് ചെയ്യാന് മോഹന്ലാലിനെ കൊണ്ട് സാധിക്കുമെന്നും സംവിധായകന് കൂട്ടിച്ചേര്ത്തു. മാതൃഭൂമിക്ക് നല്കിയ അഭിമുഖത്തില് സംസാരിക്കുകയായിരുന്നു അദ്ദേഹം.
‘ഒരു ഇമോഷണല് സീന് കഴിഞ്ഞ് കട്ട് പറഞ്ഞാല് മമ്മൂട്ടി റിലാക്സ്ഡാകില്ല. അതേസമയം അദ്ദേഹം അത് എക്സ്പ്രസ് ചെയ്യുകയുമില്ല. അതിന്റെ ഭാരവും റിലീഫും മമ്മൂട്ടി എക്സ്പ്രസ് ചെയ്യാറില്ല. എന്നാല് മോഹന്ലാല് അങ്ങനെയല്ല.
മോഹന്ലാല് സ്റ്റാര്ട്ടിനും കട്ടിനും ഇടയില് മാത്രം അഭിനയിക്കുന്ന ആളാണ്. അത് വളരെ കൃത്യമായി പറയാനാകും. എത്ര ഇമോഷണലായ സീന് ചെയ്യുന്നതിന് മുമ്പും അയാള് ഏതെങ്കിലും ലൈറ്റ് ബോയ്യോട് തമാശ പറയുകയാകും.
ആ ചിരിയുടെ ഇടയില് സ്റ്റാര്ട്ട് പറഞ്ഞാല് വന്നിട്ട് അഭിനയിക്കും. അത്ര എളുപ്പത്തില് സ്വയം ഷിഫ്റ്റ് ചെയ്യാന് അയാളെ കൊണ്ട് സാധിക്കും എന്നതാണ് സത്യം. അത് ലാലില് മാത്രമേ ഞാന് കണ്ടിട്ടുള്ളൂ. ഡബ്ബിങ്ങ് സമയത്തും ലാല് അങ്ങനെ തന്നെയാണ്.
അയാള് ഒരു ഇമോഷണല് സീനിലെ ഡയലോഗ് പറഞ്ഞു തീര്ന്നാല് ഉടനെ ഞാന് ഓക്കെ പറയും. പിന്നെ ലാലിന്റെ ചിരി അവിടെ കേള്ക്കാന് സാധിക്കും. അസിസ്റ്റന്സിനോടൊക്കെ തമാശ പറഞ്ഞ് ചിരിക്കുകയാകും അയാള്,’ സിബി മലയില് പറയുന്നു.
Content Highlight: Sibi Malayil Talks About Mammootty And Mohanlal
