മത്സരത്തില് ആദ്യ ഗോള് നേടിയത് അര്ജന്റൈന് നായകനാണ് 29ാം മിനിട്ടിലാണ് അര്ജന്റീനയ്ക്കായി ക്യാപ്റ്റന് വലകുലുക്കിയത്. ഇതോടെ ഒരു ചരിത്ര നിമിഷത്തിന് കൂടിയാണ് മയാമി സ്റ്റേഡിയം സാക്ഷ്യം വഹിച്ചത്. മത്സരത്തില് മെസിയുടെ ഗോള് പിറന്നതോടെയാണ് അപൂര്വ നിമിഷം പിറവിയെടുത്തത്.
ലോകകപ്പ് ചരിത്രത്തില് 20 ഗോള് നേടുന്ന ആദ്യ താരം എന്ന റെക്കോഡാണ് മെസി സ്വന്തമാക്കിയത്. ലോകകപ്പില് മറ്റൊരു താരത്തിനും ഈ നാഴികക്കല്ല് എത്തിപ്പിടിക്കാന് സാധിച്ചില്ലായിരുന്നു.
മത്സരത്തിന്റെ 29ാം മിനിട്ടില് ലൗട്ടരോ മാര്ട്ടിനസ് നല്കിയ പാസ് സ്വീകരിച്ചായിരുന്നു മെസി അര്ജന്റീനക്ക് വേണ്ടി ലീഡ് സ്വന്തമാക്കിയത്. മെസിയുടെ ഗോളില് ആദ്യ പകുതി സ്വന്തമാക്കിയ അര്ജന്റീനക്കെതിരെ രണ്ടാം പകുതിയില് കേപ്പ് വെര്ദെ സമനില പിടിച്ചു. 59ാം മിനിട്ടില് ഡെറോയ് ഡുവര്ട്ടെയാണ് ബ്ലൂ ഷാര്ക്കിനെ അര്ജന്റീനക്കൊപ്പം എത്തിച്ചത്.
Lionel Messi is officially the first ever player to score 20 goals at the FIFA World Cup 🙌🇦🇷
പിന്നാലെ അര്ജന്റീന ശക്തമായ മുന്നേറ്റങ്ങളുമായി കേപ്പ് വെര്ദെയുടെ ബോക്സിലെത്തിയെങ്കിലും വോസിന്ഹ മികച്ച സേവുകള് നടത്തി കളം നിറഞ്ഞു. ഒടുവില് നിശ്ചിത സമയം പിന്നിട്ടപ്പോള് ഇരു ടീമുകളും ഓരോ ഗോള് വീതം നേടി തുല്യത പാലിച്ചതോടെ മത്സരം എക്സ്ട്രാ ടൈമിലേക്ക് നീങ്ങി.മെസി
മെസി