മലയാളികള്ക്ക് ഏറെ പരിചിതനായ സംഗീത സംവിധായകനാണ് ഗോപി സുന്ദര്. മലയാളത്തിന് പുറമെ തെലുങ്ക്, തമിഴ് എന്നീ ഭാഷകളിലും അദ്ദേഹം പ്രവര്ത്തിച്ചിട്ടുണ്ട്. സംഗീത സംവിധായകന് എന്നതിന് പുറമെ പ്രോഗ്രാമര്, പിന്നണി ഗായകന്, ഗാനരചയിതാവ്, നടന്, അവതാരകന് എന്നീ നിലകളിലും കഴിവ് തെളിയിച്ചു.
എന്ന് നിന്റെ മൊയ്തീന് എന്ന ചിത്രത്തിന് സംഗീതം ചെയ്തതും ഗോപി സുന്ദര് ആയിരുന്നു. ഇപ്പോള് യെസ് 27 എന്ന യൂട്യൂബ് ചാനലില് ഈ ചിത്രത്തിലെ പാട്ടുകളെ കുറിച്ച് പറയുകയാണ് ഗോപി സുന്ദര്. ഈ സിനിമയിലെ ബാക്ഗ്രൗണ്ട് സ്കോര് ചെയ്ത് കൊണ്ടിരിക്കുമ്പോള് തനിക്ക് അത് വളരെ ഇന്ട്രസ്റ്റിങ്ങായി തോന്നിയെന്നാണ് അദ്ദേഹം പറയുന്നത്.
സിനിമയില് തനിക്ക് മ്യൂസിക്ക് ചെയ്യാന് കുറേ സ്ഥലമുണ്ടായിരുന്നുവെന്നും അത്രയേറെ നല്ല ഷോട്ടുകളായിരുന്നു ഉണ്ടായിരുന്നതെന്നും ഗോപി സുന്ദര് കൂട്ടിച്ചേര്ത്തു. ഓരോ സീന് കാണുമ്പോഴും താന് വളരെയധികം എക്സൈറ്റഡാകുമായിരുന്നുവെന്നും അദ്ദേഹം പറഞ്ഞു.
‘എന്ന് നിന്റെ മൊയ്തീന് എന്ന സിനിമ ബാക്ഗ്രൗണ്ട് സ്കോര് ചെയ്ത് കൊണ്ടിരിക്കുമ്പോള് എനിക്ക് അത് വളരെ ഇന്ട്രസ്റ്റിങ്ങായി തോന്നി. കാരണം ആ പടത്തില് എനിക്ക് മ്യൂസിക്ക് ചെയ്യാന് കുറേ സ്ഥലമുണ്ട്. അത്രയേറെ നല്ല ഷോട്ടുകള് ആ സിനിമയിലുണ്ടായിരുന്നു.
ജോമോന് ടി. ജോണ് അതിഗംഭീരമായിട്ട് അതിന്റെ കളറിങ്ങൊക്കെ ചെയ്തിട്ടുണ്ട്. എന്തോ എനിക്ക് അത് വളരെ ഇന്സ്പെയറിങ്ങായി തന്നെ തോന്നി. ഓരോ സീന് കാണുമ്പോഴും ഞാന് വളരെ അധികം എക്സൈറ്റഡാകുമായിരുന്നു.
ഇത് എനിക്ക് ചെയ്യണമെന്ന് തോന്നുന്ന തരത്തിലായിരുന്നു അതിലെ ഓരോ സീനുകളും ഉണ്ടായിരുന്നത്. അങ്ങനെയും എക്സൈറ്റ്മെന്റ് തോന്നി. ആ സിനിമയിലെ ബാക്ഗ്രൗണ്ട് സ്കോര് ചെയ്യാന് എനിക്ക് വലിയ ഉത്സാഹമായിരുന്നു. ഓരോ ഷോട്ട് കാണുമ്പോഴും ‘ഇത് നമുക്ക് പൊളിക്കാം’ എന്ന് തോന്നിപോയ സിനിമയാണ് എന്ന് നിന്റെ മൊയ്തീന്,’ ഗോപി സുന്ദര് പറയുന്നു.
Content Highlight: Gopi Sundar Talks About Ennu Ninte Moitheen Movie BGM
