തമിഴ് സിനിമാ പ്രേക്ഷകര് ഇപ്പോള് ഒന്നടങ്കം കാത്തിരിക്കുന്ന ചിത്രമാണ് ഓഗസ്റ്റ് 14ന് പുറത്തിറങ്ങാനിരിക്കുന്ന വിശ്വനാഥ് ആന്ഡ് സണ്സ്. ലക്കി ഭാസ്കര് എന്ന ഹിറ്റ് ദുല്ഖര് ചിത്രത്തിന് ശേഷം വെങ്കി അത്ലൂരി സംവിധാനം ചെയ്യുന്ന ചിത്രത്തില് സൂര്യയും മമിത ബൈജുവുമാണ് നായികയായെത്തുന്നത്. ചിത്രത്തിന്റെ അനൗണ്സ്മെന്റ് വന്നതുമുതല് തന്നെ ചര്ച്ചയായ കാര്യമായിരുന്നു നായികനും നായികയും തമ്മിലുള്ള ഏജ് ഗ്യാപ്പ്. എന്നാല് ചിത്രത്തിന്റെ കഥാപശ്ചാത്തലം തന്നെ ഈ പ്രായവ്യത്യാസമാണെന്ന് പിന്നീട് അണിയറപ്രവര്ത്തകര് അറിയിക്കുകയും ചെയ്തിരുന്നു.
പിന്നാലെ പുറത്തുവന്ന ചിത്രത്തിന്റെ അപ്ഡേറ്റുകള്ക്കെല്ലാം മികച്ച പ്രേക്ഷക പ്രതികരണമായിരുന്നു ലഭിച്ചത്. മമിതയും സൂര്യയും തമ്മിലുള്ള കോമ്പിനേഷന് നന്നായി തന്നെ ചിത്രത്തില് വര്ക്ക് ചെയ്യുന്നുണ്ടെന്നായിരുന്നു പലരുടെയും പ്രതികരണം. ഇപ്പോഴിതാ ഏജ് ഗ്യാപ്പ് കഥാപശ്ചാത്തലമാക്കി തമിഴില് ഒരുക്കിയ ചിത്രങ്ങളെ കുറിച്ചും അവയുടെ വിജയത്തെ കുറിച്ചുമുള്ള പോസ്റ്റാണ് ഇപ്പോള് സോഷ്യല് മീഡിയയില് ശ്രദ്ധിക്കപ്പെടുന്നത്.
1985ല് പുറത്തിറങ്ങിയ മുതല് മരിയാദൈ എന്ന ചിത്രവുമായി വിശ്വനാഥ് ആന്ഡ് സണ്സിനെ താരതമ്യപ്പെടുത്തിക്കൊണ്ട് സെല്ലുലോയ്ഡ് കോണ്വെര്സേഷന് എന്ന സിനിമാ പേജിലാണ് കുറിപ്പ് പ്രത്യക്ഷപ്പെട്ടിരിക്കുന്നത്. ഭാരതിരാജ എന്ന ലെജന്ഡറി സംവിധായകന് അദ്ദേഹത്തിന്റെ ഇഷ്ട നടനായ ശിവാജി ഗണേശനെ നായകനാക്കി ഒരുക്കിയ ചിത്രം തമിഴിലെ തന്നെ മികച്ച 10 ക്ലാസിക് ചിത്രങ്ങളിലൊന്നാണെന്നാണ് പോസ്റ്റില് പറയുന്നത്. 41 വര്ഷങ്ങള്ക്ക് ശേഷം ഇതേ ആശയത്തില് മറ്റൊരു ചിത്രം എത്തി വിജയിക്കാനായാല് തമിഴ് സിനിമയില് ചരിത്രം ആവര്ത്തിക്കാന് സാധിക്കുമെന്നാണ് പലരും അഭിപ്രായപ്പെടുന്നത്.
41 വര്ഷങ്ങള്ക്ക് ശേഷം VishwanathAndSons-ന് ചരിത്രം ആവര്ത്തിക്കാന് കഴിയുമോ?
പ്രായവ്യത്യാസത്തെ അടിസ്ഥാനമാക്കിയുള്ള പ്രണയകഥകള് എപ്പോഴും ഒരു വെല്ലുവിളിയാണ്. പലരും ഇതിന് ശ്രമിക്കുകയും പരാജയപ്പെടുകയും ചെയ്തിട്ടുണ്ട്; സമാനമായ പ്രമേയം കൈകാര്യം ചെയ്ത് വന് വിജയം നേടിയ ഒരു സിനിമയെക്കുറിച്ച് ഓര്ക്കുമ്പോള്, എന്റെ ഓര്മ്മയില് 41 വര്ഷം പിന്നിലേക്ക് പോകേണ്ടിവരും. 1985-ല് സ്വാതന്ത്ര്യദിന വാരാന്ത്യത്തില് പുറത്തിറങ്ങിയ MudhalMariyadhai ഒരു മാസ്റ്റര്പീസായിരുന്നു; തമിഴ് സിനിമയിലെ എക്കാലത്തെയും മികച്ച 10 ചിത്രങ്ങളില് ഒന്നാണത്. ഭാരതിരാജ എന്ന ആരാധകന് തന്റെ നായകനായ ശിവാജിക്ക് നല്കിയ മികച്ചൊരു ആദരാഞ്ജലിയായിരുന്നു ആ ചിത്രം; അതിലെ നായകനും നായികയും തമ്മിലുള്ള പ്രണയത്തെക്കുറിച്ച് ഒരൊറ്റ നിമിഷം പോലും പ്രേക്ഷകര്ക്ക് സംശയം തോന്നിയിട്ടില്ല. വാസ്തവത്തില്, ആ സിനിമ എന്നെ വല്ലാതെ ആകര്ഷിച്ചു; അതിന്റെ ക്ലൈമാക്സ് എന്നെ വികാരാധീനനാക്കി, അവര് ഒന്നുചേരണമെന്ന് ഞാന് ആത്മാര്ത്ഥമായി ആഗ്രഹിച്ചുപോയി. എന്നാല്, ഭാരതിരാജയെ സംബന്ധിച്ചിടത്തോളം അതൊരു ‘കയര് നടത്തം’ (അതിസൂക്ഷ്മമായ നീക്കം) പോലെയായിരുന്നു. ഒരു ചെറിയ പിഴവ് മതിയായിരുന്നു ആ സിനിമ പാളിപ്പോകാന്.
41 വര്ഷങ്ങള്ക്ക് ശേഷം, തന്റെ പ്രിയപ്പെട്ട നായകനെ സംവിധാനം ചെയ്യാന് അവസരം ലഭിച്ചപ്പോള്, VenkyAtluri-യും അതേ ‘പ്രായവ്യത്യാസമുള്ള പ്രണയം’ എന്ന വിഭാഗത്തില് ഭാരതിരാജയെപ്പോലെ തന്നെ വലിയൊരു റിസ്ക് എടുക്കുന്നു. സൂര്യയെ നായകനാക്കി എളുപ്പത്തില് വിറ്റഴിക്കാവുന്ന ഒരു ആക്ഷന് സിനിമ ഒരുക്കി ഒരു ‘ഫാന്ബോയ് സംഭവം’ (ആരാധകരുടെ ആഘോഷം) ആക്കാമായിരുന്നു അദ്ദേഹത്തിന്; പക്ഷേ അദ്ദേഹം തന്റെ ഉറച്ച നിലപാടില് ഉറച്ചുനിന്നു. ഇവിടെയും റിസ്ക് അതുതന്നെയാണ്; ഒരു ചെറിയ പിഴവ് മതി, സിനിമ പരിഹാസത്തിനിരയാവാനും തള്ളിക്കളയപ്പെടാനും. ഇതിഹാസതുല്യനായ ഭാരതിരാജയെപ്പോലെ വെങ്കിയും വിജയിക്കുമോ? വലിയൊരു വെല്ലുവിളിയാണ് മുന്നിലുള്ളത്, അദ്ദേഹം വിജയിക്കണമെന്ന് ഞാന് ആഗ്രഹിക്കുന്നു.
Content Highlight: Facebook post goes viral comparing Viswanth and Sons and 1985 movie Muthal Mariyathai
ഡൂള്ന്യൂസില് സബ് എഡിറ്റര് ട്രെയ്നി. കാലിക്കറ്റ് യൂണിവേഴ്സിറ്റിയില് നിന്നും ഇംഗ്ലീഷില് ബിരുദം. കര്ണാടക കേന്ദ്രസര്വ്വകലാശാലയില് നിന്നും എം.എ. മാസ് കമ്യൂണിക്കേഷന് ആന്ഡ് ജേര്ണലിസത്തില് ബിരുദാനന്തര ബിരുദം.
