![?php echo $post['title']; ?>](https://assets.doolnews.com/w/900x473/2026/09/virat-2.jpg)
വെസ്റ്റ് ഇന്‍ഡീസ് – ഇന്ത്യന്‍ ഏകദിന പരമ്പരയിലെ ആദ്യ മത്സരത്തില്‍ ആതിഥേയര്‍ക്ക് തകര്‍പ്പന്‍ വിജയം. തിരുവനന്തപുരം ഗ്രീന്‍ഫീല്‍ഡ് സ്റ്റേഡിയത്തില്‍ എട്ട് വിക്കറ്റിന്റെ വിജയമാണ് ഗില്ലും സംഘവും സ്വന്തമാക്കിയത്.
വെസ്റ്റ് ഇന്‍ഡീസ് ഉയര്‍ത്തിയ 296 റണ്‍സിന്റെ വിജയലക്ഷ്യം വിരാട് കോഹ്‌ലിയുടെയും ശുഭ്മന്‍ ഗില്ലിന്റെയും കരുത്തില്‍ ഇന്ത്യ മറികടക്കുകയായിരുന്നു.
Hundreds from Virat Kohli and Shubman Gill power India’s dominant chase in the first ODI against West Indies 💪
Match centre ➡️ https://t.co/h38gxQF3rE pic.twitter.com/QD22DwtzTJ
— ICC (@ICC) September 27, 2026
ഇതോടെ മൂന്ന് മത്സരങ്ങളുടെ പരമ്പരയില്‍ ഇന്ത്യ 1-0ന് മുന്നിലെത്തി.
ഏകദിന കരിയറിലെ 55ാം സെഞ്ച്വറിയാണ് വിരാട് വിന്‍ഡീസിനെതിരെ സ്വന്തമാക്കിയത്. 88 പന്തില്‍ പുറത്താകാതെ 139 റണ്‍സാണ് അടിച്ചെടുത്തത്. ഒമ്പത് സിക്‌സറും പത്ത് ഫോറും അടങ്ങുന്നതായിരുന്നു താരത്തിന്റെ ഇന്നിങ്‌സ്.
സിക്‌സറടിച്ച് മത്സരത്തില്‍ അര്‍ധ സെഞ്ച്വറി പൂര്‍ത്തിയാക്കിയ താരം സിക്‌സറിലൂടെ തന്നെയാണ് സെഞ്ച്വറിയും പൂര്‍ത്തിയാക്കിയത്.
🔙 to 🔙 to seal the deal 👊#TeamIndia with a clinical chase in just 4️⃣1️⃣.4️⃣ overs to win by 8️⃣ wickets 👏👏
Scorecard ▶️ https://t.co/O2cs86p4gq#INDvWI | @mflone_ pic.twitter.com/SUj4bbE9rh
— BCCI (@BCCI) September 27, 2026
ഗ്രീന്‍ഫീല്‍ഡ് സ്റ്റേഡിയത്തില്‍ വിരാടിന്റെ രണ്ടാം ഏകദിന സെഞ്ച്വറിയാണിത്. ഇതിന് മുമ്പ് 2023ലെ ശ്രീലങ്കയുടെ ഇന്ത്യന്‍ പര്യടനത്തിലായിരുന്നു വിരാട് ഈ വേദിയില്‍ കളിച്ചതും സെഞ്ച്വറിയടിച്ചതും. പുറത്താകാതെ 166 റണ്‍സാണ് വിരാട് അന്ന് അടിച്ചെടുത്തത്. അന്ന് വിരാടിനെയാണ് കളിയിലെ താരമായി തെരഞ്ഞെടുത്തത്.
2018ലെ ഇന്ത്യ – വെസ്റ്റ് ഇന്‍ഡീസ് പരമ്പരയിലാണ് കിങ് കോഹ്‌ലി ആദ്യമായി ഗ്രീന്‍ഫീല്‍ഡില്‍ കളത്തിലിറങ്ങിയത്. അന്ന് പുറത്താകാതെ നേടിയത് 33 റണ്‍സ്. അതായത് ഗ്രീന്‍ഫീല്‍ഡ് സ്റ്റേഡിയത്തില്‍ ഏകദിനത്തില്‍ വിരാടിനെ പുറത്താക്കാന്‍ എതിരാളികള്‍ക്ക് സാധിച്ചിട്ടില്ല.
ഇവിടെവെച്ച് ഒരിക്കല്‍പ്പോലും പുറത്താകാത്തതിനാല്‍ താരത്തിന്റെ ശരാശരി കണക്കാക്കാനാകില്ല. 150നോട് അടുപ്പിച്ചാണ് സ്‌ട്രൈക് റേറ്റ്.
ഈ മത്സരത്തില്‍ ഏകദിന ഫോര്‍മാറ്റില്‍ 15,000 റണ്‍സെന്ന ചരിത്ര നേട്ടം സ്വന്തമാക്കാനും വിരാടിന് സാധിച്ചിരുന്നു. 59 റണ്‍സടിച്ചതിന് പിന്നാലെയാണ് ഈ നേട്ടത്തില്‍ വിരാടെത്തിയത്.
കരിയറിലെ 303 ഇന്നിങ്സിലാണ് വിരാട് ഈ മാജിക്കല്‍ നമ്പറിലെത്തിയത്. ക്രിക്കറ്റ് ഇതിഹാസം സച്ചിന് ടെന്‍ഡുല്‍ക്കറിന് ശേഷം ഏകദിനത്തില്‍ 15,000 റണ്‍സ് നേടുന്ന ആദ്യ താരമാണ് വിരാട്.
𝟭𝟱,𝟬𝟬𝟬 𝗔𝗡𝗗 𝗖𝗢𝗨𝗡𝗧𝗜𝗡𝗚 👏
Virat Kohli becomes just the second batter to reach the landmark in ODI cricket 👑
Follow the match ➡️ https://t.co/h38gxQF3rE pic.twitter.com/kE7v4bTikh
— ICC (@ICC) September 27, 2026
സച്ചിന് മാത്രമുണ്ടായിരുന്ന ഈ റെക്കോഡിലേക്ക് അദ്ദേഹത്തെയും മറികടന്നായിരുന്നു വിരാടിന്റെ കുതിപ്പ്. ഏറ്റവും വേഗത്തില്‍ 15,000 റണ്‍സ് നേടുന്ന താരമെന്ന നേട്ടത്തിലേക്കാണ് വിരാട് ചെന്നെത്തിയത്.
Content highlight: Virat Kohli has never been dismissed in an ODI at the Greenfield Stadium.
