കലാപകാരിയെ നിങ്ങള്‍ തെരഞ്ഞെടുത്തിട്ടുണ്ടെങ്കില്‍ നിങ്ങളില്‍ തന്നെയാണ് തമാശ: കുനാല്‍ കമ്ര
DELHI VIOLENCE
കലാപകാരിയെ നിങ്ങള്‍ തെരഞ്ഞെടുത്തിട്ടുണ്ടെങ്കില്‍ നിങ്ങളില്‍ തന്നെയാണ് തമാശ: കുനാല്‍ കമ്ര
ന്യൂസ് ഡെസ്‌ക്
Tuesday, 25th February 2020, 4:58 pm

ന്യൂദല്‍ഹി: സാമ്പത്തിക വളര്‍ച്ച പ്രതീക്ഷിച്ച് ഒരു കലാപകാരിയെ നിങ്ങള്‍ തെരഞ്ഞെടുക്കുമ്പോള്‍ പിന്നീട് അരങ്ങേറുന്ന കലാപങ്ങളില്‍ കലാപകാരിയെ നിങ്ങള്‍ ന്യായീകരിക്കേണ്ടതുണ്ടെന്ന് കൊമേഡിയന്‍ കുനാല്‍ കമ്ര. പൗരത്വഭേദഗതി നിയമത്തിനെതിരെ വടക്കുകഴിക്കന്‍ ദല്‍ഹിയില്‍ നടക്കുന്ന ആക്രമണങ്ങള്‍ക്കിയെയാണ് കുനാല്‍ കമ്രയുടെ പ്രതികരണം. ട്വീറ്ററിലൂടെയാണ് കുനാല്‍ കമ്ര രംഗത്തെത്തിയത്.

‘സാമ്പത്തിക വളര്‍ച്ച പ്രതീക്ഷിച്ച് നിങ്ങള്‍ ഒരു കലാപകാരിയെ തെരഞ്ഞെടുക്കുമ്പോള്‍, പിന്നീടുണ്ടാവുന്ന കലാപങ്ങളില്‍ നിങ്ങള്‍ കലാപകാരിയെ ന്യായീകരിക്കണം. തമാശ മുഴുവന്‍ നിങ്ങളില്‍ തന്നെയാണ്.’ എന്നാണ് കുനാല്‍ കമ്രയുടെ ട്വീറ്റ്.

കഴിഞ്ഞ ദിവസമാണ് വടക്കുകിഴക്കന്‍ ദല്‍ഹിയില്‍ പൗരത്വ ഭേദഗതി പ്രതിഷേധക്കാര്‍ക്കെതിരെ അനുകൂലികള്‍ വ്യാപകമായ അക്രമം അഴിച്ചുവിട്ടത്.
സംഘര്‍ഷത്തിനിടെ അക്രമകാരികള്‍ ജഫ്രാബാദില്‍ പള്ളി കത്തിച്ചിട്ടുണ്ട്.
പള്ളി കത്തിക്കുന്ന ദൃശ്യങ്ങള്‍ പകര്‍ത്താന്‍ ശ്രമിക്കുന്നതിനിടെ മാധ്യമപ്രവര്‍ത്തകരെയും അക്രമകാരികള്‍ മര്‍ദ്ദിച്ചു. എന്‍.ഡി.ടി.വിയിലെ മാധ്യമ പ്രവര്‍ത്തകര്‍ക്കാണ് പരിക്കേറ്റത്.

എന്‍.ഡി.ടി.വി എക്‌സിക്യൂട്ടീവ് എഡിറ്ററായ നിധി റസ്ദാനാണ് തന്റെ സഹപ്രവര്‍ത്തകര്‍ അക്രമത്തിനിരയായ വിവരം ട്വിറ്ററിലൂടെ പങ്കുവെച്ചത്. മാധ്യമപ്രവര്‍ത്തകരെ വളഞ്ഞിട്ട് ആക്രമിക്കാനാരംഭിച്ച ജനക്കൂട്ടം പിന്നീട് ഇരുവരും ഹിന്ദുക്കളാണെന്ന് തിരിച്ചറിഞ്ഞ ശേഷമാണ് വിട്ടയച്ചതെന്നും ട്വീറ്റില്‍ പറയുന്നു.

സംഘര്‍ഷം വ്യാപകമാകുന്ന സാഹചര്യത്തില്‍ സൈന്യത്തെ വിളിക്കണമെന്ന് ദല്‍ഹി മുഖ്യമന്ത്രി അരവിന്ദ് കെജ്രിവാള്‍ പറഞ്ഞു. എന്നാല്‍ സൈന്യത്തെ വിളിക്കേണ്ട സാഹചര്യമില്ലെന്ന് കേന്ദ്ര സര്‍ക്കാര്‍ തീരുമാനം.

അതേസമയം സംഘര്‍ഷങ്ങളില്‍ മരിച്ചവരുടെ എണ്ണം എട്ടായി.

ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ