![?php echo $post['title']; ?>](https://assets.doolnews.com/w/900x473/2026/01/quinton-de-kock.jpg)
ടി-20 ലോകകപ്പിന് മുമ്പ് എതിരാളികള്ക്ക് വലിയ മുന്നറിയിപ്പ് നല്കിയാണ് സൗത്ത് ആഫ്രിക്ക വെസ്റ്റ് ഇന്ഡീസിനെതിരായ പരമ്പരയില് കുതിക്കുന്നത്. മൂന്ന് മത്സരങ്ങളുടെ പരമ്പരയിലെ ആദ്യ രണ്ട് മത്സരങ്ങളും സമ്പൂര്ണ ആധിപത്യത്തോടെ വിജയിച്ച പ്രോട്ടിയാസ് ഇന്ന് പരമ്പരയിലെ ഡെഡ് റബ്ബര് മാച്ചിനൊരുങ്ങുകയാണ്.
ഇരു ടീമിന്റെയും ബാറ്റര്മാര് കളം നിറഞ്ഞാടിയ രണ്ടാം മത്സരത്തില് ഏഴ് വിക്കറ്റിന്റെ തകര്പ്പന് വിജയമാണ് സൗത്ത് ആഫ്രിക്ക നേടിയത്. സെഞ്ചൂറിയനില് നടന്ന മത്സരത്തില് സൂപ്പര് താരം ക്വിന്റണ് ഡി കോക്കിന്റെ സെഞ്ച്വറി കരുത്തിലാണ് ആതിഥേയര് വിജയം സ്വന്തമാക്കിയത്.
