![?php echo $post['title']; ?>](https://assets.doolnews.com/w/900x473/2019/04/jayarajan1.jpg)
കോഴിക്കോട്: സാമൂഹ്യമാധ്യമങ്ങളില് പി.ജെ എന്ന പേരിലുള്ള ഗ്രൂപ്പുകളില് സി.പി.ഐ.എം ന്റെ നിലപാടുകളില് നിന്നും വ്യത്യസ്തമായ പ്രചരണങ്ങള് നടത്തുന്നുണ്ടെന്നും ഇത് ആശാസ്യമല്ലെന്നും പി.ജയരാജന്. ‘പി.ജെ’ എന്നത് തന്റെ ചുരുക്കപ്പേരായി കരുതുന്ന ഗ്രൂപ്പുകള് അതിന്റെ പേരില് മാറ്റം വരുത്തണമെന്നും പി.ജയരാജന് ഫേസ് ബുക്ക് കുറിപ്പിലൂടെ ആവശ്യപ്പെടുന്നു.
പാര്ട്ടി മെമ്പര്മാര് അഭിപ്രായങ്ങള് അവരവരുടെ പാര്ട്ടി ഘടകങ്ങളിലാണ് ഉന്നയിക്കേണ്ടതെന്നും എതിരാളികള്ക്ക് ആയുധം കൊടുക്കുന്ന സമീപനം സ്വീകരിക്കരുതെന്നും പി.ജയരാജന് കുറിപ്പില് പറയുന്നു.
മക്കള് ചെയ്ത കുറ്റത്തിന്റെ പേരില് പാര്ട്ടി നേതാവായ അച്ഛനെയും അച്ഛന്റെ പാര്ട്ടിയേയും ആക്രമിക്കുന്നത് തുടരുകയാണെന്നും
നേതാക്കന്മാരുടെ മക്കളുടെ ജോലിയും മറ്റും ചൂണ്ടിക്കാണിച്ച് നേതാക്കളെ വ്യത്യസ്ത തട്ടുകളിലാക്കാന് നവമാധ്യമങ്ങളിലൂടെയും മറ്റും ശ്രമിക്കുന്നുണ്ടെന്നും അദ്ദേഹം പറഞ്ഞു.
സി.പി.ഐ.എം സംസ്ഥാന സെക്രട്ടറി കോടിയേരി ബാലകൃഷ്ണന്റെ മകനെതിരായ പരാതി ഉയര്ത്തിയാണ് സി.പി.ഐ.എം അനുകൂല ഗ്രൂപ്പുകളില് ചര്ച്ചകള് നടക്കുന്നതെന്നും ജയരാജന്റെ മക്കള് കല്ല് ചുമക്കുകയും ഹോട്ടലില് പണിയെടുക്കുകയും ചെയ്യുമ്പോഴാണ് കോടിയേരിയുടെ മക്കള് പാര്ട്ടിയെ പ്രതിരോധത്തിലാക്കുന്ന വിവാദങ്ങളില് അകപ്പെടുന്നതെന്നും സി.പി.ഐ.എം അനുകൂലമെന്ന് പറയുന്ന പല ഗ്രൂപ്പുകളിലും ചര്ച്ചകള് ഉയരുന്നുണ്ടെന്നും ഇത്തരം ചര്ച്ചകള് അവസാനിപ്പിക്കണമെന്നും ജയരാജന് ഫേസ്ബുക്ക് പോസ്റ്റിലൂടെ ആവശ്യപ്പെട്ടു.
ഫേസ് ബുക്ക് പോസ്റ്റിന്റെ പൂര്ണ്ണരൂപം,
