എത്ര പണം തരാമെന്ന് പറഞ്ഞാലും സ്വന്തം ഐഡന്റിറ്റി ഒരു അഭിനേതാവ് അങ്ങനെ ഉപയോഗിക്കില്ല, പക്ഷെ ആ നടി തയ്യാറായി: ലാൽജോസ്

‘എനിക്ക് വലിയ അത്ഭുതം തോന്നിയ ഒരു കാര്യമുണ്ട്. എത്ര പൈസ തരാമെന്ന് പറഞ്ഞാലും ആരും തയ്യാറാവാത്ത കാര്യമാണ്. ഞാനൊന്നും ഒരിക്കലും ചെയ്യില്ല. ചിരിയോ ചിരി എന്ന സിനിമയുണ്ട്. ബാലചന്ദ്രമേനോൻ സാർ സംവിധാനം ചെയ്തതാണ്. അതിൽ ബാലചന്ദ്രമേനോനെയും മണിയൻപിള്ള രാജുവിനെയും പറ്റിക്കുന്ന നടി സുകുമാരിയായിട്ടാണ് ചേച്ചി അഭിനയിച്ചിട്ടുള്ളത്. സ്വന്തം പേരിൽ.

അവരുടെ ഐഡന്റിറ്റി ഉപയോഗിച്ച് ഒരു ദുഷ്ട കഥാപാത്രമാണ് സുകുമാരി ചേച്ചി ചെയ്തത്. പിന്നീട് ഞാൻ ചേച്ചിയെ പരിചയപ്പെട്ടപ്പോൾ ചോദിച്ചിട്ടുണ്ട്, ചേച്ചി എന്ത് മണ്ടത്തരമാണ് കാണിച്ചതെന്ന്. അതെന്താ അങ്ങനെ ചെയ്തതെന്ന് ചോദിച്ചപ്പോൾ സുകുമാരി ചേച്ചി, അതിനെന്താ എല്ലാവർക്കും അറിയാമല്ലോ നമ്മൾ അങ്ങനെയൊന്നുമല്ലായെന്ന്, അത് സിനിമയല്ലേ, എന്നായിരുന്നു മറുപടി തന്നത്.

ഞാൻ ചോദിച്ചു സിനിമയിൽ ക്രൂരമായ ഒരു കഥാപാത്രമായിട്ടല്ലേ അഭിനയിച്ചിട്ടുള്ളതെന്ന്. അതൊന്നും കുഴപ്പമില്ല, ആ സുകുമാരിയല്ല ഈ സുകുമാരിയെന്ന് എല്ലാവർക്കും അറിയുന്നതാണെന്ന് ചേച്ചി പറഞ്ഞു. ഒരു നിഷ്കളങ്കത കൊണ്ട് ചെയ്യുന്നതാണ് അതെല്ലാം. ഒരുപക്ഷെ പിന്നെ ആ സിനിമ കണ്ടപ്പോൾ അബദ്ധം തോന്നിയിട്ടുണ്ടാവാം,’ലാൽജോസ് പറയുന്നു.

Content Highlight: Laljose About Sukumari’s Charcter In Chiriyo chiri Movie