![?php echo $post['title']; ?>](https://assets.doolnews.com/w/900x473/2026/07/tilak.jpg)
വെസ്റ്റ് ഇന്‍ഡീസിനെതിരായ മൂന്നാം ടി-20 മത്സരത്തില്‍ തകര്‍പ്പന്‍ വിജയമാണ് ഇന്ത്യ നേടിയത്. ഇന്‍ഡോറിലെ ഹോല്‍കര്‍ സ്റ്റേഡിയത്തില്‍ നടന്ന മത്സരത്തില്‍ 14 റണ്‍സിനാണ് ഇന്ത്യയുടെ വിജയം. ഇന്ത്യ ഉയര്‍ത്തിയ 224 റണ്‍സിന്റെ വിജയലക്ഷ്യം പിന്തുടര്‍ന്നിറങ്ങിയ വിന്‍ഡീസിന് നിശ്ചിത ഓവറില്‍ ഏഴ് വിക്കറ്റ് നഷ്ടത്തില്‍ 209 റണ്‍സ് മാത്രമാണ് നേടാന്‍ സാധിച്ചത്.
മത്സരത്തില്‍ ബാറ്റ് കൊണ്ടും ഫീല്‍ഡിങ്ങിലും മികച്ച പ്രകടനമാണ് ഇന്ത്യന്‍ വൈസ് ക്യാപ്റ്റന് തിലക് വര്‍മ കാഴ്ചവെച്ചത്. 16 പന്തില്‍ നിന്ന് നാല് ഫോര്‍ ഉള്‍പ്പെടെ 28 റണ്‍സ് നേടിയ തിലക് രണ്ട് വിന്‍ഡീസ് താരങ്ങളുടെ ക്യാച്ചും സ്വന്തമാക്കിയിരുന്നു.
Back in the lead in the #INDvWI T20I series 💪 #TeamIndia clinch the 𝗪 in Indore to go 2️⃣-1️⃣ up ✅ Scorecard ▶️ https://t.co/0ve4uDWSIn @mflone_ https://t.co/35WSM1eUtk
— BCCI (@BCCI) October 11, 2026
നിര്‍ണായക ഘട്ടത്തില്‍ ക്വന്റിന്‍ സാംപ്‌സണ്‍ (15 പന്തില്‍ 21), കീമോ പോള്‍ (6 പന്തില്‍ 10) എന്നിവരെയാണ് തിലക് ക്യാച്ചിലൂടെ മടക്കിയത്. ഇതോടെ ഒരു നേട്ടവും ഇന്ത്യന്‍ വൈസ് ക്യാപ്റ്റന് സ്വന്തമാക്കിയിരിക്കുകയാണ്.
ഇന്ത്യക്കുവേണ്ടി അന്താരാഷ്ട്ര ടി-20യില്‍ ഫീല്‍ഡര്‍ എന്ന നിലയില്‍ 50 ക്യാച്ചുകള്‍ പൂര്‍ത്തിയാക്കാനാണ് തിലകിന് സാധിച്ചത്. മാത്രമല്ല അന്താരാഷ്ട്ര ടി-20യില്‍ ഫീല്‍ഡര്‍ എന്ന നിലയില്‍ ഏറ്റവും കൂടുതല്‍ ക്യാച്ച് നേടുന്ന അഞ്ചാമത്തെ ഇന്ത്യന്‍ താരമാകാനും വൈസ് ക്യാപ്റ്റന് കഴിഞ്ഞു.
Safe hands of the vice-captain 🫴 5️⃣0️⃣ catches in T20Is for Tilak Varma 👌 Updates ▶️ https://t.co/0ve4uDWSIn #TeamIndia | #INDvWI | @mflone_ | @TilakV9 https://t.co/nNNEztFeyj
— BCCI (@BCCI) October 11, 2026
അന്താരാഷ്ട്ര ടി-20യില്‍ ഫീല്‍ഡര്‍ എന്ന നിലയില്‍ ഏറ്റവും കൂടുതല്‍ ക്യാച്ചുകളില്‍ നേടുന്ന ഇന്ത്യന്‍ താരങ്ങള്‍
രോഹിത് ശര്‍മ – 65
ഹര്‍ദിക് പാണ്ഡ്യ – 64
സൂര്യകുമാര്‍ യാദവ് – 58
വിരാട് കോഹ്‌ലി – 54
തിലക് വര്‍മ – 50
മത്സരത്തില്‍ ടോസ് നഷ്ടപ്പെട്ട് ബാറ്റിങ്ങിനിറങ്ങിയ ഇന്ത്യയ്ക്ക് വേണ്ടി തിളങ്ങിയത് അഭിഷേക് ശര്‍മയാണ്. 30 പന്തില്‍ അഞ്ച് സിക്‌സറും ആറ് ഫോറും അടക്കം 69 റണ്‍സാണ് താരം നേടിയത്. 230.00 എന്ന സ്‌ട്രൈക്ക് റേറ്റിലാണ് താരം ബാറ്റ് വീശിയത്. ഇതോടെ ഒരു തകര്‍പ്പന്‍ റെക്കോഡ് സ്വന്തമാക്കിയിരിക്കുകയാണ് അഭിഷേക്.
ഇന്ത്യയ്ക്ക് വേണ്ടി ബൗളിങ്ങില്‍ തിളങ്ങിയത് അര്‍ഷ്ദീപ് സിങ്ങാണ്. മൂന്ന് വിക്കറ്റുകളാണ് ഇടംകയ്യന്‍ പേസര്‍ നേടിയത്. മത്സരത്തിലെ താരവും അര്‍ഷ്ദീപായിരുന്നു. നമന്‍ ധിര്‍ നിര്‍ണായകമായ രണ്ട് വിക്കറ്റ് നേടിയപ്പോള്‍ നിതീഷ് കുമാര്‍ റെഡ്ഡിയും അക്‌സര്‍ പട്ടേലും ഓരോ വിക്കറ്റ് വീതവും സ്വന്തമാക്കി.
ഈ വിജയത്തോടെ അഞ്ച് മത്സരങ്ങളുടെ പരമ്പരയിലെ ആദ്യ മൂന്ന് മത്സരം അവസാനിച്ചപ്പോള്‍ ഇന്ത്യ 2-1ന് മുമ്പിലാണ്. ഒക്ടോബര്‍ 14നാണ് പരമ്പരയിലെ നാലാം മത്സരം. ഹൈദരാബാദാണ് വേദി.
Content Highlight: Indian Vice Captain Tilak Varma Complete 50 Catches As Fielder In T-20i
