![?php echo $post['title']; ?>](https://assets.doolnews.com/w/900x473/2019/10/rain-2.jpg)
തിരുവനന്തപുരം: കേരളത്തില് ഇന്ന് വ്യാപക മഴയ്ക്ക് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. തെക്കു പടിഞ്ഞാറന് അറബിക്കടലില് രൂപം കൊണ്ട ന്യൂനമര്ദ്ദം 24 മണിക്കൂറിനുള്ളില് ശക്തിപ്രാപിക്കുമെന്നാണ് റിപ്പോര്ട്ട്.
മഴ ശക്തമാവുന്ന സാഹചര്യത്തില് ഇടുക്കി, എറണാകുളം മലപ്പുറം, കോഴിക്കോട് തുടങ്ങിയ നാലു ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചിട്ടുണ്ട്.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
മണിക്കൂറില് 55-65 കിലോമീറ്റര് വേഗത്തില് കാറ്റുവീശാന് സാധ്യതയുണ്ട്. ലക്ഷദ്വീപ്, കേരള, കര്ണ്ണാടക തീരങ്ങളിലും വ്യാഴാഴ്ച വരെ മത്സ്യബന്ധനത്തിന് പോകരുതെന്ന് നിര്ദ്ദേശമുണ്ട്.
കടല്ത്തീരങ്ങളിലേക്ക് വിനോദ സഞ്ചാരത്തിനു പോകരുതെന്നും കടലില് ഇറങ്ങരുതെന്നും കാലാവസ്ഥാ കേന്ദ്രം മുന്നറിയിപ്പു നല്കുന്നുണ്ട്.
തെക്ക്-പടിഞ്ഞാറന് അറബിക്കടലിനോട് ചേര്ന്ന് ഇന്ത്യന് മഹാസമുദ്രത്തിന്റെ ഇക്വറ്റോറിയല് പ്രദേശങ്ങളിലാണ് ന്യൂനമര്ദ്ദം രൂപപ്പെട്ടിരിക്കുന്നത്. അടുത്ത 24 മണിക്കൂറിനുള്ളില് ലക്ഷദ്വീപിനും തെക്ക്-കിഴക്ക് അറബിക്കടലിനും മുകളിലായി മറ്റൊരു ന്യൂനമര്ദ്ദം കൂടി രൂപപ്പെടാന് സാധ്യതയുണ്ട്.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
അടുത്ത നാലു ദിവസങ്ങളിലും കാറ്റും മഴയും തുടരുമെന്നും കാലാവസ്ഥാ നിരീക്ഷണകേന്ദ്രം മുന്നറിയിപ്പു നല്കുന്നു.
