ടി-20 ക്രിക്കറ്റില്‍ പുതിയ ഇതിഹാസം കുറിച്ച് ബെഹ്‌റൈന്‍ വനിതാ ടി-20 ക്രിക്കറ്റ് ടീം. ടി-20 ക്രിക്കറ്റിന്റെ രാജാക്കന്‍മാര്‍ എന്നവകാശപ്പെടുന്ന പല ടീമുകള്‍ക്കും എത്തിപ്പിടിക്കാന്‍ പോലും സാധിക്കാത്ത റെക്കോഡുകളാണ് ഇവര്‍ സ്വന്തമാക്കിയത്.

ടി-20 ക്രിക്കറ്റിലെ ഏറ്റവും ഉയര്‍ന്ന ടീം ടോട്ടല്‍ പടുത്തുയര്‍ത്തിയാണ് ബെഹ്‌റൈന്‍ ചരിത്രത്തിന്റെ ഭാഗമായത്. 20 ഓവറില്‍ ഒരു വിക്കറ്റ് നഷ്ടത്തില്‍ 318 റണ്‍സാണ് ഇവര്‍ അടിച്ചുകൂട്ടിയത്.

ഉഗാണ്ടയുടെ 314 റണ്‍സ് എന്ന റെക്കോഡ് മറികടന്നാണ് ഇവര്‍ ഏറ്റവുമുയര്‍ന്ന ടീം ടോട്ടലില്‍ ഒന്നാമതെത്തിയത്.