അവസാന റൗണ്ടില് ആടുജീവിതമില്ല; ഓസ്കര് ഫൈനല് നോമിനേഷനില് നിന്ന് ആടുജീവിതവും ഓള് വി ഇമാജിന് ആസ് ലൈറ്റും പുറത്ത്
എന്റര്ടെയിന്മെന്റ് ഡെസ്ക്
Thursday, 23rd January 2025, 8:17 pm
97ാമത് ഓസ്കര് ഫൈനല് റൗണ്ട് നോമിനേഷന് ലിസ്റ്റ് പ്രഖ്യാപിച്ചു. മലയാള ചിത്രം ആടുജീവിതവും പായല് കപാഡിയ ചിത്രം ഓള് വി ഇമാജിന് ആസ് ലൈറ്റും നോമിനേഷനില് ഇടം നേടിയില്ല. ഫ്രഞ്ച് ചിത്രം എമിലിയ പെരസ് പതിനാല് നോമിനേഷനുകള് സ്വന്തമാക്കി. അക്കാദമി അംഗങ്ങള് വോട്ടിങ്ങിലൂടെയാണ് അന്തിമ ലിസ്റ്റ് തയ്യാറാക്കിയത്.
ഇന്ത്യന് അമേരിക്കന് ഹിന്ദി ഷോര്ട്ട് ഫിലിം അനുജക്ക് ഓസ്കര് നാമനിര്ദ്ദേശം ലഭിച്ചു. ലൈവ് ആക്ഷന് ഷോര്ട്ട് ഫിലിം വിഭാഗത്തിലാണ് അനുജ നോമിനേഷന് നേടിയത്. അമേരിക്കയില് നിന്നുള്ള ചലച്ചിത്ര പ്രവര്ത്തകരാണ് അനുജയുടെ അണിയറ പ്രവര്ത്തകര്. ഗുനീത് മോംഗയും പ്രിയങ്ക ചോപ്രയും ചിത്രത്തിന് സാമ്പത്തിക പിന്തുണ നല്കിയിരുന്നു.
