തിരുവനന്തപുരത്ത് യുവാവിനെ വെട്ടിക്കൊന്നു; കാല്‍ വെട്ടിയെടുത്ത് റോഡിലേക്ക് എറിഞ്ഞു

തിരുവനന്തപുരം: തലസ്ഥാനത്ത് യുവാവിനെ വെട്ടിക്കൊന്നു. പോത്തന്‍കോട് കല്ലൂര്‍ സ്വദേശി സുധീഷിനെയാണ് ഓട്ടോയിലും ബൈക്കിലുമായി എത്തിയ സംഘം വെട്ടിക്കൊലപ്പെടുത്തിയത്.

പത്തംഗ സംഘമാണ് സുധീഷിനെ ആക്രമിച്ചത്. സംഘത്തെ കണ്ട് വീട്ടിലേക്ക് ഓടിക്കയറിയ സുധീഷിനെ പിന്തുടര്‍ന്നെത്തി വെട്ടുകയായിരുന്നു.

സുധീഷിന്റെ കാല്‍ വെട്ടിമാറ്റി റോഡിലേക്ക് അക്രമി സംഘം എറിഞ്ഞു. ദേഹത്താസകലം വെട്ടേറ്റ സുധീഷിനെ തിരുവനന്തപുരം മെഡിക്കല്‍ കോളേജില്‍ എത്തിച്ചെങ്കിലും രക്ഷിക്കാനായില്ല.