![?php echo $post['title']; ?>](https://assets.doolnews.com/w/900x473/2021/02/tsunami.jpg)
കൊച്ചി: നടന് ലാലും മകന് ലാല് ജൂനിയറും ചേര്ന്ന് സംവിധാനം നിര്വഹിക്കുന്ന ചിത്രം ‘സുനാമി’യിലെ ഗാനം പുറത്തുവിട്ട് അണിയറ പ്രവര്ത്തകര്.
‘ആരാണ്’ എന്ന് തുടങ്ങുന്ന പ്രണയഗാനത്തിന്റെ ലിറിക്കല് വീഡിയോ ആണ് പ്രണയദിനത്തില് പുറത്തുവിട്ടത്. യക്സന് ഗാരി പെരേരയും നേഹ എസ് നായരും ചേര്ന്നാണ് സംഗീത സംവിധാനം നിര്വഹിച്ചിരിക്കുന്നത്.
ഗാനമാലപിച്ചിരിക്കുന്നത് നേഹ എസ് നായരും കേശവ് വിനോദും ചേര്ന്നാണ്. ലാലിന്റേതാണ് ഗാനത്തിന്റെ വരികള്.
ഫെബ്രുവരി രണ്ടിനാണ് ചിത്രത്തിന്റെ റിലീസ് ഡേറ്റ് അണിയറ പ്രവര്ത്തകര് അറിയിച്ചത്.
മാര്ച്ചിലാണ് ചിത്രം തിയേറ്ററുകളില് എത്തുക.
ജീന് പോള് ലാല് സംവിധാനം ചെയ്യുന്ന ചിത്രത്തിന്റെ കഥയും തിരക്കഥയും ഒരുക്കിയിരിക്കുന്നത് ലാല് ആണ്. പാണ്ട ഡാഡ് പ്രൊഡക്ഷന്സിന്റെ ബാനറില് അലന് ആന്റണിയാണ് ചിത്രത്തിന്റെ നിര്മ്മാണം.
ഇന്നസെന്റ്, മുകേഷ്, അജു വര്ഗീസ്, ബാലു വര്ഗീസ്, സുരേഷ് കൃഷ്ണ, ബിനു അടിമാലി, ആരാധ്യ ആന്, അരുണ് ചെറുകാവില്, ദേവി അജിത്, നിഷ മാത്യു, വത്സല മേനോന്, സിനോജ് വര്ഗീസ്, സ്മിനു എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്.
അലക്സ് ജെ പുളിക്കല് ഛായാഗ്രഹണവും രതീഷ് രാജ് എഡിറ്റിംഗും നിര്വഹിക്കുന്നു. കോസ്റ്റ്യൂം പ്രവീണ് വര്മ. തൃശൂര്, യു സി കോളേജ് എന്നിവിടങ്ങളിലായിട്ടാണ് സുനാമി ചിത്രീകരണം പൂര്ത്തിയാക്കിയത്.
ഡൂള്ന്യൂസിനെ ടെലഗ്രാം, വാട്സാപ്പ് എന്നിവയിലൂടേയും ഫോളോ ചെയ്യാം. വീഡിയോ സ്റ്റോറികള്ക്കായി ഞങ്ങളുടെ യൂട്യൂബ് ചാനല് സബ്സ്ക്രൈബ് ചെയ്യുക
ഡൂള്ന്യൂസിന്റെ സ്വതന്ത്ര മാധ്യമപ്രവര്ത്തനത്തെ സാമ്പത്തികമായി സഹായിക്കാന് ഇവിടെ ക്ലിക്ക് ചെയ്യൂ
Content Highlights; Tsunami Lyrical Video Out
