![?php echo $post['title']; ?>](https://assets.doolnews.com/w/900x473/2019/08/school-1.jpg)
പത്തനംതിട്ട: പത്തനംതിട്ടയിലെ തിരുവല്ല താലൂക്കിലെ പ്രൊഫഷണല് കോളെജുകള്, അങ്കണവാടികള് ഉള്പ്പെടെയുള്ള എല്ലാ വിദ്യാഭ്യാസ സ്ഥാപനങ്ങള്ക്കും നാളെ (16-8-19) ജില്ലാ കലക്ടര് പി.ബി നൂഹ് അവധി പ്രഖ്യാപിച്ചു. ജില്ലയിലെ മറ്റ് താലൂക്കുകളിലെ ദുരിതാശ്വാസ ക്യാമ്പുകളായി പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധി ബാധകമാണ്.
കോട്ടയം ജില്ലയിലെ കോട്ടയം, വൈക്കം, ചങ്ങനാശ്ശേരി താലൂക്കുകളിലെയും എല്ലാ വിദ്യാഭ്യാസ സ്ഥാപനങ്ങള്ക്കും ജില്ലാകലക്ടര് നാളെ അവധി പ്രഖ്യാപിച്ചു. പ്രൊഫഷണല് കോളെജുകള്ക്കും അങ്കണവാടികള്ക്കും അവധി ബാധകമായിരിക്കും.
മീനച്ചില്, കാഞ്ഞിരപ്പള്ളി താലൂക്കുകളില് ദുരിതാശ്വാസ ക്യാമ്പുകള് പ്രവര്ത്തിക്കുന്ന വിദ്യാഭ്യാസ സ്ഥാപനങ്ങള്ക്കും അവധിയായിരിക്കുമെന്നും ജില്ലാ കലക്ടര് അറിയിച്ചു.
സംസ്ഥാനത്ത് മഴയുടെ ശക്തി കുറയുന്നതായി കേന്ദ്ര കാലാവസ്ഥ വകുപ്പ് അറിയിച്ചിരുന്നു. അടുത്ത അഞ്ചുദിവസങ്ങളില് കേരളത്തില് താരതമ്യേന മഴ കുറയും. ഓഗസ്റ്റ് 16-ന് കണ്ണൂര്, കാസര്കോട്, ഇടുക്കി ജില്ലകളില് യെല്ലോ അലര്ട്ട് മാത്രമാണ് പ്രഖ്യാപിച്ചിരിക്കുന്നത്.
