![?php echo $post['title']; ?>](https://assets.doolnews.com/w/900x473/2024/09/untitled-9-3.jpg)
ആരാധകരുടെ പ്രിയ മൈതാനമായ മഞ്ചേരി പയ്യനാട് സ്റ്റേഡിയത്തില് ഇന്ന് സൂപ്പര് ക്ലാസിക്കോ. മഹീന്ദ്ര സൂപ്പര് ലീഗ് കേരളയുടെ നാലാം റൗണ്ട് മത്സരത്തില് മലപ്പുറം എഫ്.സി കണ്ണൂര് വാറിയേഴ്സുമായി കൊമ്പുകോര്ക്കും. കിക്കോഫ് രാത്രി 7.30ന്.
കേരള ഫുട്ബോളിലെ പരമ്പരാഗത ശക്തികളായ മലപ്പുറവും കണ്ണൂരും ഏറെ നിര്ണായകമായ മത്സരത്തിനാണ് ഇന്ന് ബൂട്ടണിയുന്നത്.
വേണം ഗോളും വിജയവും, കാത്തിരിപ്പ് തുടര്ന്ന് അള്ട്രാസ്
ലീഗിന്റെ ഉദ്ഘാടന മത്സരത്തില് ഫോഴ്സ കൊച്ചിക്ക് അവരുടെ തട്ടകത്തില് ഇരട്ടപ്രഹരം നല്കിയാണ് മലപ്പുറം എഫ്.സി തുടങ്ങിയത്. പിന്നീട് രണ്ടു മത്സരങ്ങള് സ്വന്തം മൈതാനത്ത് കളിച്ചെങ്കിലും വിജയമോ ഒരു ഗോളോ സ്കോര് ചെയ്യാന് മലപ്പുറത്തിന് കഴിഞ്ഞില്ല.
കാലിക്കറ്റ് എഫ്സിയോട് മൂന്ന് ഗോളിന് തകര്ന്നപ്പോള് തൃശൂര് മാജിക് എഫ്.സിയോട് ഗോള്രഹിത സമനില വഴങ്ങി. ഫിനിഷിങ് പോരായ്മകളാണ് ടീമിനെ ഗോളില് നിന്നകറ്റുന്നത്.
