ഇന്ന് 193 പേര്‍ക്ക് കൊവിഡ്; 167 പേര്‍ക്ക് രോഗമുക്തി
COVID-19
ഇന്ന് 193 പേര്‍ക്ക് കൊവിഡ്; 167 പേര്‍ക്ക് രോഗമുക്തി
ന്യൂസ് ഡെസ്‌ക്
Monday, 6th July 2020, 6:10 pm

തിരുവനന്തപുരം: സംസ്ഥാനത്ത് ഇന്ന് 193 പേര്‍ക്ക് കൊവിഡ് സ്ഥിരീകരിച്ചു. 167 പേര്‍ക്ക് രോഗം ഭേദമായി.

രോഗം സ്ഥിരീകരിച്ചവരില്‍ വിദേശത്തു നിന്നു വന്നവര്‍ 92 പേരാണ്. ഇതരസംസ്ഥാനങ്ങളില്‍ നിന്നു വന്നവര്‍ 65. സമ്പര്‍ക്കത്തിലൂടെ 35 പേര്‍ക്ക് രോഗം സ്ഥിരീകരിച്ചു.

രണ്ടു പേര്‍ മരിച്ചു. മഞ്ചേരി മെഡിക്കല്‍ കോളജില്‍ 87 വയസ്സുള്ള മുഹമ്മദ്, എറണാകുളം മെഡിക്കല്‍ കോളജില്‍ 65 വയസ്സുള്ള യൂസഫ് എന്നിവരാണ് മരിച്ചത്.

കഴിഞ്ഞ 24 മണിക്കൂറിനിടെ 9927 സാംപിളുകളാണ് പരിശോധിച്ചത്. ഇതുവരെ 5622 പേര്‍ക്ക് രോഗം സ്ഥിരീകരിച്ചു.

ചികിത്സയില്‍ കഴിയുന്നത് 2252 പേരാണ്. വിവിധ ജില്ലകളിലായി 1,83,291 പേരാണ് ഇപ്പോള്‍ നിരീക്ഷണത്തിലുള്ളത്.

2075 പേര്‍ ആശുപത്രികളിലും നിരീക്ഷണത്തിലാണ്. 384 പേരെയാണ് ഇന്ന് ആശുപത്രിയില്‍ പ്രവേശിപ്പിച്ചത്.