പറ്റുമെങ്കില്‍ ആ തമിഴ് സൂപ്പര്‍സ്റ്റാറിനെ സംവിധാനം ചെയ്യാന്‍ എനിക്ക് ആഗ്രഹമുണ്ട്: കീര്‍ത്തി സുരേഷ്
എന്റര്‍ടെയിന്‍മെന്റ് ഡെസ്‌ക്
Wednesday, 16th April 2025, 3:52 pm
സിനിമാപ്രേമികള്‍ക്ക് ഒരുപാട് പരിചിതയായ നടിമാരില്‍ ഒരാളാണ് കീര്‍ത്തി സുരേഷ്. മലയാള സിനിമയിലൂടെ ബാലതാരമായാണ് കീര്‍ത്തി തന്റെ കരിയര്‍ ആരംഭിക്കുന്നത്.
മോഹന്‍ലാല്‍ – പ്രിയദര്‍ശന്‍ കൂട്ടുകെട്ടില്‍ എത്തിയ ഗീതാഞ്ജലിയിലാണ് നടി ആദ്യമായി നായികയായി എത്തുന്നത്. പിന്നീട് മലയാളത്തിലും തമിഴിലും തെലുങ്കിലുമായി നിരവധി മികച്ച സിനിമകളില്‍ അഭിനയിക്കാന്‍ കീര്‍ത്തിക്ക് സാധിച്ചു.
ഗലാട്ടാ തമിഴിന് നല്‍കിയ അഭിമുഖത്തില്‍ സംസാരിക്കുകയായിരുന്നു നടി. അഭിമുഖത്തില്‍ നിങ്ങള്‍ക്ക് സംവിധാനം ചെയ്യണമെന്ന് ആഗ്രഹമുള്ള നടന്‍ ആരാണ് എന്ന ചോദ്യത്തിന് മറുപടി ആയിട്ടാണ് കീര്‍ത്തി ഈ കാര്യം പറഞ്ഞത്.
ഞാന്‍ സത്യത്തില്‍ ഒരുപാട് സ്റ്റോറി ലൈനുകള്‍ എഴുതിയിട്ടുണ്ട്. ഒരു സിനിമക്ക് വേണ്ടിയിട്ടുള്ള സ്‌ക്രിപ്റ്റായിട്ടല്ല അതൊന്നും എഴുതിയത്. കുറച്ച് ഐഡിയകള്‍ മനസിലുണ്ട്. പറ്റുകയാണെങ്കില്‍ സൂര്യ സാറിനെ സംവിധാനം ചെയ്യാം,’ കീര്‍ത്തി സുരേഷ് പറയുന്നു.