തിരുവനന്തപുരം: രാജ്യത്തെ നശിപ്പിച്ചതില്‍ ഒന്നാം പ്രതി ജവഹര്‍ലാല്‍ നെഹ്‌റുവെന്ന മുസല്‍മാനാണെന്ന് ബി.ജെ.പി നേതാവ് പി.സി. ജോര്‍ജ്. നെഹ്‌റു മുസല്‍മാനാണെന്നും അദ്ദേഹത്തിന്റെ പിതാവും മുസല്‍മാനാണെന്നും വിശ്വാസമില്ലെന്ന് പറഞ്ഞ് നടക്കുന്നുണ്ടെങ്കിലും അഞ്ച് നേരം നിസ്‌കരിച്ച് നടക്കുന്നയാളാണെന്നും പി.സി. ജോര്‍ജ്. പറഞ്ഞു.

മോത്തിലാല്‍ നെഹ്‌റു മുസ്‌ലിമാണെന്ന് എല്ലാവരും സമ്മതിക്കുന്നുണ്ടല്ലോയെന്നും അപ്പോള്‍ നെഹ്‌റു മുസ്‌ലിമല്ലെന്ന് എങ്ങനെ പറയുമെന്നും പി.സി ജോര്‍ജ് ചോദിച്ചു. എം.എം മത്തായിയുടെ പുസ്തകം വായിച്ചാല്‍ നെഹ്‌റു മുസ്‌ലിമാണോയെന്ന് മനസിലാവുമെന്നും അദ്ദേഹം പറഞ്ഞു.

കോണ്‍ഗ്രസും കമ്മ്യൂണിസവും കണക്കാണെന്നും രണ്ടും തെറ്റാണെന്നും മലയാളികള്‍ രണ്ടിനെയും ഇല്ലാതാക്കണമെന്നും രണ്ടും കള്ളന്മാരാണെന്നും അദ്ദേഹം പറയുകയുണ്ടായി.

കാവി കൊടിയേന്തിയ സ്ത്രീയെ കുറിച്ചുള്ള വിവാദത്തിലും പി.സി പ്രതികരിച്ചു. അതൊക്കെ അവരവരുടെ വിശ്വാസമാണെന്നും രാജ്ഭവനില്‍ വിവാദ ചിത്രം വെക്കാന്‍ പാടില്ലെങ്കില്‍ എ.കെ.ജി സെന്ററില്‍ എന്താണ് വെച്ചതെന്നുംവെച്ചതെന്നും ചോദിച്ചു. വിശ്വാസമില്ലാത്തവര്‍ക്ക് വിശ്വാസികള്‍ ഏത് ചിത്രം വെച്ചാലും എന്താണെന്നും ശബരിമല വിഷയത്തെ കുറിച്ചും പി.സി പരാമര്‍ശിച്ചു.

ശബരിമലയില്‍ വിശ്വാസികളല്ലാത്തവരെ കയറ്റിയതാണ് പിണറായിയും താനും തമ്മിലുള്ള പ്രശ്‌നത്തിന് തുടക്കം കുറിച്ചതെന്നും പി.സി ജോര്‍ജ് പറഞ്ഞു. പരിപാവനമായ ശബരിമലയിലേക്ക് ‘തുണിയുടുക്കാത്ത പെണ്ണുങ്ങളെ’ പിണറായി വിജയന്‍ കൊണ്ടുവന്നുവെന്നും വിശ്വാസമില്ലാത്തയാളെന്തിന് മറ്റുള്ളവരുടെ മതത്തിന്റെ കാര്യത്തില്‍ ഇടപെടണമെന്നും പി.സി ജോര്‍ജ് ചോദിച്ചു.

Content Highlight: Jawaharlal Nehru, a Muslim, is the prime culprit in destroying the country, he will pray five times a day: PC George