2026 ഐ.പി.എല്ലില് റോയല് ചലഞ്ചേഴ്സ് ബെംഗളൂരുവും ലഖ്നൗ സൂപ്പര് ജയന്റ്സും തമ്മിലുള്ള മത്സരമാണ് ഇനി നടക്കാനിരിക്കുന്നത്. ഇന്ന് (മെയ് ഏഴ്) നടക്കുന്ന മത്സരത്തിന് ലഖ്നൗവിന്റെ തട്ടകമായ എകാന ക്രിക്കറ്റ് സ്റ്റേഡിയമാണ് വേദി.
ഈ മത്സരത്തിന് ഇറങ്ങുമ്പോള് സൂപ്പര് താരം വിരാട് കോഹ്ലിയെ കാത്തിരിക്കുന്നത് ഒരു വമ്പന് നേട്ടമാണ്. ടി – 20യില് 14000 റണ്സ് എന്ന നാഴികക്കല്ല് പൂര്ത്തിയാക്കാനാണ് അവസരമുള്ളത്. ഇതിനായി താരത്തിന് വേണ്ടത് 78 റണ്സാണ്.
വിരാട് കോഹ്ലി. Photo: IndianPremierLeague/x.com
നിലവില് ടി – 20യില് വിരാടിന് 13922 റണ്സാണുള്ളത്. 406 ഇന്നിങ്സുകളില് കളിച്ചാണ് താരം ഇത്രയും റണ്സ് നേടിയത്. ഈ ഫോര്മാറ്റില് താരം ഇന്ത്യ, ഇന്ത്യന്സ്, ദല്ഹി, റോയല് ചലഞ്ചേഴ്സ് ബാംഗ്ലൂര്, റോയല് ചലഞ്ചേഴ്സ് ബെംഗളൂരു എന്നീ ടീമുകള്ക്ക് വേണ്ടി കളത്തിലിറങ്ങിയിട്ടുണ്ട്.
ലഖ്നൗവിനെതിരെയുള്ള മത്സരത്തില് ഈ നാഴികക്കല്ല് പിന്നിടാനായാല് ടി – 20 യില് 14000 റണ്സ് നേടുന്ന ആദ്യ ഇന്ത്യന് താരമെന്ന പട്ടവും തന്റെ പേരില് ചേര്ക്കാന് വിരാടിന് സാധിക്കും. കൂടാതെ, അന്താരാഷ്ട്ര ക്രിക്കറ്റില് ഈ നേട്ടത്തിലെത്തുന്ന ആറാമത്തെ താരമെന്ന നേട്ടവും സ്വന്തമാക്കാം.
ഇന്ത്യൻ ടീമിൽ കളിക്കുന്ന വിരാട് കോഹ്ലി.
ക്രിസ് ഗെയ്ല്, കിറോണ് പൊള്ളാര്ഡ്, അലക്സ് ഹെയ്ല്സ്, ഡേവിഡ് വാര്ണര്, ജോസ് ബട്ലര് എന്നിവരാണ് മുമ്പ് ഈ നേട്ടം സ്വന്തമാക്കിയവര്. ലഖ്നൗവിനെതിരെ തിളങ്ങാനായാല് വിരാടിന് ഇവരോടൊപ്പം തന്റെ പേരും എഴുതി ചേര്ക്കാം.
അതേസമയം, ഈ സീസണില് വിരാട് തകര്പ്പന് ഫോമിലാണ്. ഒമ്പത് മത്സരങ്ങളില് കളിച്ച താരം ഇതുവരെ 379 റണ്സ് എടുത്തിട്ടുണ്ട്. മൂന്ന് അര്ധ സെഞ്ച്വറികളാണ് ഈ സീസണില് താരം അടിച്ചത്. 81 റണ്സാണ് ഉയര്ന്ന സ്കോര്. 54.14 ശരാശരിയിലും 165.50 സ്ട്രൈക്ക് റേറ്റിലുമാണ് കിങ് തന്റെ വേട്ട തുടരുന്നത്.
Content Highlight: IPL 2026: Virat Kohli needs 78 runs to complete 14000 runs in T20s
