ഏഴ് സിക്റും ഒരു ഫോറും അടങ്ങുന്നതായിരുന്നു പൂരന്റെ ഇന്നിങ്സ്. ഈ പ്രകടനത്തിന് പിന്നാലെ സീസണില് 30 സിക്സറുകളെന്ന കടമ്പയും താരം മറികടന്നിരിക്കുകയാണ്. ഇതിനോടകം ആറ് മത്സരത്തില് നിന്നും 31 സിക്സറുകളുമായി സിക്സറടിവീരന്മാരുടെ പട്ടികയില് ഒന്നാം സ്ഥാനത്ത് തുടരുകയാണ് പൂരന്.
മറ്റേത് താരങ്ങളേക്കാള് ഡോമിനേഷനുമായാണ് പൂരന് ഈ പട്ടികയില് ഒന്നാം സ്ഥാനത്ത് തുടരുന്നത്.
ഐ.പി.എല് 2025ല് ചെന്നൈ സൂപ്പര് കിങ്സിലെ എല്ലാ താരങ്ങളും ഒരുമിച്ച് ഇതുവരെ 32 സിക്സറുകള് മാത്രമാണ് നേടിയതെന്ന് മനസിലാകുമ്പോഴാണ് പൂരന്റെ ഡോമിനേഷന് എത്രത്തോളമാണെന്ന് വ്യക്തമാകൂ.
ഇത് രണ്ടാം തവണയാണ് പൂരന് ഒരു ഐ.പി.എല് സീസണില് 30+ സിക്സറുകള് നേടുന്നത്. ഒന്നിലധികം സീസണുകളില് ഈ നേട്ടം സ്വന്തമാക്കുന്ന ഏഴാമത് താരമാകാനും ഇതോടെ പൂരന് സാധിച്ചു.
ഏറ്റവുമധികം സീസണുകളില് 30+ സിക്സറുകള് നേടുന്ന താരം
(താരം – എത്ര സീസണുകളില് 30+ സിക്സറുകള് എന്നീ ക്രമത്തില്)
ക്രിസ് ഗെയ്ല് – 5
ആന്ദ്രേ റസല് – 3
കെ.എല്. രാഹുല് – 3
നിക്കോളാസ് പൂരന് – 2*
എ.ബി. ഡി വില്ലിയേഴ്സ് – 2
വിരാട് കോഹ്ലി – 2
ഗ്ലെന് മാക്സ്വെല് – 2
ഐ.പി.എല്ലിലെ ഒരു സീസണില് ഏറ്റവുമധികം സിക്സര് നേടിയ താരമെന്ന റെക്കോഡിലേക്കാണ് പൂരന് ഇനി കണ്ണുവെക്കുന്നത്. 2012ല് 59 സിക്സറുകള് നേടിയ ക്രിസ് ഗെയ്ലിന്റെ പേരിലാണ് നിലവില് ഈ റെക്കോഡ് നേട്ടമുള്ളത്.
ആറ് മത്സരത്തില് നിന്നും ഇതിനോടകം 31 സിക്സര് നേടിയ പൂരന് ഗെയ്ലിനെ മറികടക്കാന് 29 സിക്സറുകള് കൂടിയാണ് വേണ്ടത്. ഇതിനായി ഏറ്റവും ചുരുങ്ങിയത് എട്ട് മത്സരവും താരത്തിന്റെ മുമ്പിലുണ്ട്. നിലവിലെ ഫോം തുടര്ന്നാല് പൂരന് ഈ റെക്കോഡ് മറികടക്കുമെന്നാണ് ആരാധകര് ഉറച്ചുവിശ്വസിക്കുന്നത്.
Content Highlight: IPL 2025: Nicholas Pooran tops the list most sixes in this season
