ലീഗ്സ് കപ്പില് മെസിയുടെ ഇന്റര് മയാമിക്ക് പരാജയം. മയാമിയിലെ നു സ്റ്റേഡിയത്തില് നടന്ന മത്സരത്തില് രണ്ടിനെതിരെ മൂന്ന് ഗോളുകള്ക്ക് ലിഗ എം.എക്സ് ടീം ക്ലബ്ബ് ലിയോണിനോടായിരുന്നു മയാമിയുടെ തോല്വി.
ഈ പരാജയത്തിന് പിന്നാലെ ഹെറോണ്സ് ടൂര്ണമെന്റില് നിന്ന് പുറത്താവുകയും ചെയ്തു.
പിതാവിന്റെ വിയോഗത്തിന് ശേഷം കളത്തിലേക്ക് മടങ്ങിയെത്തിയ ആദ്യ മത്സരത്തില് തന്നെ മെസിക്ക് പരാജയം രുചിക്കേണ്ടി വന്നതും ആരാധകരെ കൂടുതല് നിരാശരാക്കി.
¡Cuidado, @clubleonfc anda suelto! 🦁🤯 La Fiera le dio la vuelta al partido para ganar 3-2, mantener el paso perfecto y meterse a la siguiente ronda de #LeaguesCup2026 Inter Miami ended its run in the tournament. pic.twitter.com/47AclhjyKj
മത്സരത്തില് മയാമിയാണ് ലീഡ് നേടിയത്. ഇയാന് ഫ്രേയുടെ അസിസ്റ്റില് ഡാനിയല് പിന്റര് എതിരാളികളുടെ വലകുലുക്കി. ഇതോടെ ആദ്യ പകുതിയില് ലീഡുമായി മയാമി ആധിപത്യം സ്വന്തമാക്കി.
രണ്ടാം പകുതിയുടെ തുടക്കത്തില് തന്നെ പിന്ററിനെ പിന്വലിച്ച പരിശീലകന് മെസിയെ കളത്തിലിറക്കി. മറുവശത്ത് ലിയോണും നിര്ണായക സബ്സ്റ്റിറ്റിയൂഷനുകള് നടത്തി.
50ാം മിനിട്ടില് ഡാനിയല് ആര്സിലയിലൂടെ ലിയോണ് ഒപ്പമെത്തിയെങ്കിലും 54ാം മിനിട്ടില് യാനിക് ബ്രൈറ്റ് വീണ്ടും മയാമിക്ക് ലീഡ് സമ്മാനിച്ചു.
