തിരിച്ചടി! റിഷബ് പന്ത് പുറത്ത്, പകരക്കാന്‍ ഗുജറാത്ത് ടൈറ്റന്‍സ് യുവതാരം

ന്യൂസിലന്‍ഡ് എയ്‌ക്കെതിരെയുള്ള അനൗദ്യോഗിക ടെസ്റ്റ് പരമ്പരയിലെ ആദ്യ രണ്ട് മത്സരങ്ങളില്‍ നിന്ന് ഇന്ത്യന്‍ വിക്കറ്റ് കീപ്പര്‍ ബാറ്റര്‍ റിഷബ് പന്ത് പുറത്ത്. പേശികള്‍ക്കേറ്റ പരുക്കിനെത്തുടര്‍ന്നാണ് (left side strain) അദ്ദേഹത്തിന് വിശ്രമം അനുവദിച്ചത്.

റിഷബ് പന്ത്

പന്തിന് പകരക്കാരനായി ഐ.പി.എല്ലില്‍ ഗുജറാത്ത് ടൈറ്റന്‍സിന്റെ യുവതാരം കുമാര്‍ കുശാഗ്രയെ ബി.സി.സി.ഐ സ്‌ക്വാഡില്‍ ഉള്‍പ്പെടുത്തി.

കുമാര്‍ കുശാഗ്ര

ഈ വര്‍ഷാവസാനം നടക്കുന്ന നിര്‍ണായക ലോക ടെസ്റ്റ് ചാമ്പ്യന്‍ഷിപ്പ് പരമ്പരയ്ക്ക് മുന്നോടിയായാണ് ഇന്ത്യ എ ടീം ന്യൂസിലന്‍ഡ് എ ടീമിനെതിരെ മൂന്ന് മത്സരങ്ങളുള്ള റെഡ് ബോള്‍ പരമ്പര കളിക്കുന്നത്.

ഒക്ടോബര്‍ 24 മുതലാണ് മത്സരങ്ങള്‍ ആരംഭിക്കുന്നത്. പരമ്പരയിലെ ആദ്യ രണ്ട് മത്സരങ്ങളില്‍ മാത്രമാണ് കുമാര്‍ കുശാഗ്ര പന്തിന് പകരക്കാരനായി ടീമിനൊപ്പം ഉണ്ടാവുക.

മൂന്നാം മത്സരത്തില്‍ റിഷബ് പന്തിന്റെ ഫിറ്റ്നസ് പരിശോധിച്ച ശേഷമാകും കാര്യത്തില്‍ അന്തിമ തീരുമാനമെടുക്കുക.

ഇന്ത്യ എ ടീമിന്റെ പുതുക്കിയ സ്‌ക്വാഡ്

ധ്രുവ് ജുറെല്‍ (ക്യാപ്റ്റന്‍/ വിക്കറ്റ് കീപ്പര്‍), വാഷിങ്ടണ്‍ സുന്ദര്‍, ആഖിബ് നബി, ആകാശ് ദീപ്, അന്‍ഷുല്‍ കാംബോജ്, യശസ്വി ജെയ്‌സ്വാള്‍, കെ.എല്‍. രാഹുല്‍, ദേവ്ദത്ത് പടിക്കല്‍, രവിചന്ദ്രന്‍ സ്മരണ്‍, മാനവ് സുതര്‍, മുകേഷ് ചൗധരി, സായ് സുദര്‍ശന്‍, യാഷ് റാത്തോഡ്, മുകേഷ് കുമാര്‍, കുമാര്‍ കുശാഗ്ര (വിക്കറ്റ് കീപ്പര്‍ – ആദ്യ രണ്ട് മത്സരങ്ങള്‍ക്ക് മാത്രം).

Content Highlight: India A vs New Zealand A: Rishabh Pant rules out for 1st 2 Tests