![?php echo $post['title']; ?>](https://assets.doolnews.com/w/900x473/2019/07/dk-shiva-kumar.jpg)
ന്യൂദല്ഹി: തന്റെ അറസ്റ്റിന് പിന്നില് ബി.ജെ.പിയുടെ രാഷ്ട്രീയ വൈര്യമാണെന്ന് ഡി.കെ ശിവകുമാര്. തന്റെ അറസ്റ്റില് മനസ്സ് മടുത്ത് പോകരുത്. നിയമപരമായും രാഷ്ട്രീയപരമായും പോരാട്ടം ജയിച്ചു തിരിച്ചുവരുമെന്നും ദൈവത്തിലും രാജ്യത്തിന്റെ നിയമവ്യവസ്ഥയിലും തനിക്ക് പൂര്ണ്ണ വിശ്വാസമുണ്ടെന്നും ഡി.കെ ശിവകുമാര് ട്വീറ്റ് ചെയ്തു.
ഒടുക്കം തന്നെ അറസ്റ്റ് ചെയ്യിക്കാന് കഴിഞ്ഞതില് തന്റെ ബി.ജെ.പി സുഹൃത്തുക്കളെ അഭിനന്ദിക്കുകയാണെന്നും ബി.ജെ.പിയെ പരിഹസിച്ച് കൊണ്ട് ശിവകുമാര് ട്വീറ്റ് ചെയ്തു.
ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ
ശിവകുമാര് ചോദ്യം ചെയ്യലിനോടു സഹകരിക്കുന്നില്ലെന്ന് പറഞ്ഞാണ് എന്ഫോഴ്സ്മെന്റ് ശിവകുമാറിനെ അറസ്റ്റ് ചെയ്തിരിക്കുന്നത്. കള്ളപ്പണം വെളുപ്പിച്ചെന്ന കേസില് നാലു ദിവസമായി ചോദ്യം ചെയ്തു വരികയായിരുന്നു.
ഏഴുകോടി രൂപയുടെ സാമ്പത്തിക ക്രമക്കേടാണ് ശിവകുമാറിനെതിരെ എന്ഫോഴ്സ്മെന്റ് ആരോപിച്ചിരിക്കുന്നത്.
വാര്ത്തകള് ടെലഗ്രാമില് ലഭിക്കാന് ഇവിടെ ക്ലിക്ക് ചെയ്യൂ
ഓഗസ്റ്റ് 30 നും 31 നും അദ്ദേഹം ഇ.ഡിക്ക് മുന്പില് ഹാജരായ അദ്ദേഹം താന് ഒരു തെറ്റും ചെയ്തിട്ടില്ലെന്നും അന്വേഷണവുമായി പൂര്ണമായി സഹകരിക്കുമെന്നും വ്യക്തമാക്കിയിരുന്നു.
അറസ്റ്റ് തടയണണമെന്ന ശിവകുമാറിന്റെ ഹരജി കര്ണാടക ഹൈക്കോടതി തള്ളിയതിന് പിന്നാലെയായിരുന്നു ചോദ്യം ചെയ്യലിന് ഹാജരാകണമെന്ന് കാണിച്ച് ഇ.ഡി സമന്സ് അയച്ചത്.
