ജനുവരി 26ന് അല് താവൂണിനെതിരായ മത്സരത്തില് അല് നസര് വിജയം സ്വന്തമാക്കിയിരുന്നു. അല് അവ്വാല് പാര്ക്കില് നടന്ന മത്സരത്തില് എതിരില്ലാത്ത ഒരു ഗോളിനാണ് ക്രിസ്റ്റിയാനോയും സംഘവും വിജയിച്ചത്.
ഇതോടെ സൗദി പ്രോ ലീഗിലെ പോയിന്റ് പട്ടികയില് രണ്ടാം സ്ഥാനത്തേക്ക് ഉയരാനും അല് നസറിന് സാധിച്ചിരുന്നു. നിലവില് 17 മത്സരങ്ങളില് നിന്ന് 13 വിജയവും ഒരി സമനിലയും മൂന്ന് തോല്വിയും ഉള്പ്പെടെ 40 പോയിന്റ് നേടിയാണ് അല് നസര് മുന്നേറുന്നത്. നേരത്തെ പോയിന്റ് പട്ടികയില് പിന്നിലായിരുന്നു അല് നസര്. ഒന്നാം സ്ഥാനത്ത് 45 പോയിന്റുമായി അല് ഹിലാലാണ്.
അതേസമയം കഴിഞ്ഞ മത്സരത്തില് അല് നസറിന് ഗോള് ലഭിച്ചത് സെല്ഫ് ഗോള് വഴിയായിരുന്നു. 45ാം മിനിട്ടില് മുഹമ്മദ് അല് ദൊസാരിയുടെ ടച്ചിലായിരുന്നു അല് നസറിന് ഗോള് ലഭിച്ചത്.
എന്നാല് കഴിഞ്ഞ മത്സരത്തില് സൂപ്പര് താരം റോണോയ്ക്ക് ഗോള് നേടാന് സാധിക്കാത്തതിന്റെ നിരാശയിലാണ് ആരാധകര്. റോണോയെ കാത്തിരിക്കുന്ന ഒരു മികച്ച റെക്കോഡാണ് ഇതിന് കാരണം.ക്രിസ്റ്റ്യാനോ റൊണാള്ഡോ
വെറും മൂന്ന് ഗോളുകള് കൂടി നേടാന് സാധിച്ചാന് ഫുട്ബോള് ചരിത്രത്തില് 30 വയസിന് ശേഷം 500 ഗോള് സ്വന്തമാക്കുന്ന ആദ്യ താരമാകാനുള്ള അവസരമാണ് റോണോയെ കാത്തിരിക്കുന്നുണ്ട്. 497 ഗോളുകളാണ് റോണോ 30 വയസിന് ശേഷം അടിച്ച് കൂട്ടിയത്.
പ്രായത്തെ പോലും വെല്ലുന്ന പോരാട്ട വീര്യംകൊണ്ട് കളിക്കളം നിറഞ്ഞാടുന്ന പോര്ച്ചുഗല് ഇതിഹാസം റൊണാള്ഡോ 35 വയസ് വരെ 760 ഗോളുകളാണ് നേടിയത്. എന്നാല് 35ാം വയസ് മുതല് 40ാം വയസ് വരെയുള്ള അഞ്ച് വര്ഷം കൊണ്ട് 200 ഗോളുകളാണ് റൊണാള്ഡോ അടിച്ചെടുത്തത്. മറ്റുതാരങ്ങള് 40 വയസിനുള്ളില് വിരമിക്കല് പ്രഖ്യാപിക്കുമ്പോള് റൊണാള്ഡോ കുതിപ്പ് തുടരുകയാണ്.
മാത്രമല്ല സൗദി പ്രോ ലീഗിന്റെ 2025-26 സീസണില് 17 മത്സരത്തില് നിന്ന് 16 ഗോളുകളാണ് റൊണാള്ഡോ നേടിയത്. സീസണില് അല്നസറിന് വേണ്ടി ഏറ്റവും കൂടുതല് ഗോളുകള് സ്വന്തമാക്കുന്ന താരമാകാനും റോണോയ്ക്ക് സാധിച്ചിരിക്കുകയാണ്. അതേസമയം ജനുവരി 30ന് കിങ് അബുദ്ള്ള സ്പോര്ട്സ് സിറ്റിയില് നടക്കുന്ന മത്സരത്തില് അല് ഖുലൂദിനെതിരെ റോണോ ഗോള് നേടുമെന്നാണ് ആരാധകരുടെ പ്രതീക്ഷ.
Content Highlight: Cristiano Ronaldo Need Three More Goals To Achieve A Great Record In Football
ക്രിസ്റ്റ്യാനോ റൊണാള്ഡോ
