Categories

സര്‍ക്കാര്‍ അറിവോടെ കോടികളുടെ മരുന്ന് കൊള്ള

ഹരീഷ് വാസുദേവന്‍

ജീവന്‍ രക്ഷാ മരുന്നുകള്‍ക്ക് അമിത വിലയീടാക്കി മരുന്നുകമ്പനികള്‍ ജനങ്ങളെ കൊള്ളയടിക്കുന്നത് സര്‍ക്കാറിന്റെ അറിവോടെ. സര്‍ക്കാര്‍ സ്ഥാപനമായ മെഡിക്കല്‍ സപ്ലൈ കോര്‍പറേഷന്റെ അറിവോടെയാണ് തട്ടിപ്പ് നടക്കുന്നത്. പ്രതി വര്‍ഷം 10,000 കോടിയിലേറെ രൂപയുടെ മരുന്ന് കൊള്ളയാണ് ഇങ്ങിനെ നടക്കുന്നതെന്നാണ് പുറത്ത് വന്ന രേഖകള്‍ വ്യക്തമാക്കുന്നത്. സര്‍ക്കാര്‍ അറിവോടെയാണ് ഈ തട്ടിപ്പ് നടക്കുന്നതെന്ന് തെളിയിക്കുന്ന രേഖകള്‍ ഡൂള്‍ന്യൂസിന് ലഭിച്ചു.

സന്നദ്ധ സംഘടനയായ ജനപക്ഷത്തിന്റെ സംസ്ഥാന കണ്‍വീനര്‍ ബെന്നി ജോസഫ് വിവരാവകാശ നിയമപ്രകാരം നല്‍കിയ ചോദ്യത്തിന് മറുപടിയിലാണ് കോടികളുടെ തട്ടിപ്പും അതിന് സര്‍ക്കാര്‍ കൂട്ട് നില്‍ക്കുന്നതും പുറത്ത് വന്നത്. ജീവന്‍ രക്ഷാമരുന്നുകള്‍ വാങ്ങി സര്‍ക്കാര്‍ ആശുപത്രികള്‍ക്ക് വിതരണം ചെയ്യുന്നതിന് കഴിഞ്ഞ സര്‍ക്കാറാണ് മെഡിക്കല്‍ സപ്ലൈ കോര്‍പറേഷന്‍ കൊണ്ട് വന്നത്. എന്നാല്‍ മെഡിക്കല്‍ കോര്‍പറേഷന്‍ വാങ്ങുന്ന അതേ മരുന്നുകള്‍ പുറത്ത് വിപണിയില്‍ കോര്‍പറേഷന്‍ വിലയുടെ പതിന്‍മടങ്ങ് വിലക്കാണ് വിറ്റഴിക്കുന്നത്. മെഡിക്കല്‍ കോര്‍പറേഷന്റെ ഡ്രഗ് പര്‍ച്ചേഴ്‌സിങ് വിവരങ്ങള്‍ അന്വേഷിച്ചപ്പോഴാണ് ഞെട്ടിക്കുന്ന സത്യം പുറത്ത് വന്നത്.

മരുന്ന് കമ്പനികള്‍ അമിത വില ഈടാക്കുന്നത് മെഡിക്കല്‍ കോര്‍പറേഷന്‍ അറിവോടുകൂടിയാണോയെന്ന ചോദ്യത്തിന് അതെയെന്ന് ലഭിച്ച മറുപടി

ഓരോ മരുന്നിനും മെഡിക്കല്‍ കോര്‍പറേഷന്‍ വാങ്ങുന്ന വിലയും വിപണി വിലയും വ്യക്തമാക്കാന്‍ ആവശ്യപ്പെട്ടപ്പോള്‍ മെഡിക്കല്‍ കോര്‍പറേഷന്‍ ഇത് വ്യക്തമാക്കുന്ന മറുപടി നല്‍കി. പല ജീവന്‍ രക്ഷാ മരുന്നുകള്‍ക്കും മെഡിക്കല്‍ കോര്‍പറേഷന്‍ കമ്പനികളില്‍ നിന്ന് വാങ്ങിയ വിലയേക്കാള്‍ 25 ഓളം മടങ്ങ് അധികം രൂപക്കാണ് വിപണിയില്‍ വില്‍ക്കുന്നതെന്ന് മറുപടിയില്‍ വ്യക്തമാകുന്നു. സംസ്ഥാനത്ത് വര്‍ഷത്തില്‍ 28,000 കോടി രൂപയുടെ ജീവന്‍ രക്ഷാ മരുന്നുകളുടെ വില്‍പ്പന നടക്കുന്നുണ്ടെന്നാണ് ഡ്രഗ് കണ്‍ട്രോളറില്‍ നിന്ന് ലഭിക്കുന്ന വിവരം. ഈ മരുന്നുകളുടെ യഥാര്‍ഥ വില ഇതിന്റെ എത്രയോ മടങ്ങ് കുറവാണെന്നാണ് ഇപ്പോള്‍ വ്യക്തമാകുന്നത്.

എന്നാല്‍ ഇതില്‍ ഏറ്റഴും വിചിത്രമായ സംഭവം മരുന്ന് കുറഞ്ഞ വിലയില്‍ ലഭ്യമാക്കാന്‍ സര്‍ക്കാര്‍ ഏര്‍പ്പെടുത്തിയ ഡ്രഗ് കോര്‍പറേഷന്റെ അറിവോടെയാണ് ഈ തട്ടിപ്പ് നടക്കുന്നതെന്നതാണ്. സര്‍ക്കാര്‍-വിപണി വിലകള്‍ തമ്മിലുള്ള വ്യത്യാസം മെഡിക്കല്‍ കോര്‍പഷന്റെ ശ്രദ്ധയില്‍പ്പെട്ടിട്ടുണ്ടോയെന്ന ചോദ്യത്തിന് അതെയെന്നായിരുന്നു ലഭിച്ച മറുപടി.

എനലാപ്രില്‍ മെലീറ്റ ടാബിള്‍ എന്ന മരുന്ന് ഡ്രഗ് സപ്ലൈ കോര്‍പറേഷന്‍ വാങ്ങിയത് 6.4 രൂപക്കാണ്. എന്നാല്‍ പുറത്ത് ഈ മരുന്ന് വില്‍ക്കുന്നത് 154.66 രൂപക്കാണ്. അറ്റോര്‍ വാസ്റ്റിന് ഡ്രഗ് കോര്‍പറേഷന്‍ 33.9 രൂപക്ക് വാങ്ങിയപ്പോള്‍ അതിന് പുറത്ത് മാര്‍ക്കറ്റിലെ വില 149.7 രൂപയാണ്. സ്‌ട്രെപ്‌റ്റോകിനാസെ എന്ന മരുന്ന് 538 രൂപക്ക് മെഡിക്കല്‍ കോര്‍പറേഷന്‍ വാങ്ങിയപ്പോള്‍ പുറത്ത് മാര്‍ക്കറ്റില്‍ പൊതുജനങ്ങള്‍ക്ക് അത് വാങ്ങാന്‍ ലഭിക്കുക 2500 രൂപക്കാണ്. അഞ്ച് മുതല്‍ 25 ഇരട്ടി വരെയാണ് പുറം മാര്‍ക്കറ്റും മെഡിക്കല്‍ കോര്‍പറേഷനും തമ്മിലെ വിലയിലുള്ള വ്യത്യാസം.

മെഡിക്കല്‍ കോര്‍പറേഷന്‍ മരുന്നുകളുടെ വിലയും അതേ മരുന്നുകളുടെ വിപണി വിലയും തമ്മിലുള്ള വ്യത്യാസം

ഈ വ്യത്യാസം തിരിച്ചറിഞ്ഞിട്ടും സര്‍ക്കാര്‍ നടപടിയൊന്നുമെടുക്കുന്നില്ലെന്നതാണ് ഏറ്റവും വിരോധാഭാസകരമായ സംഭവം. ജീവന്‍ രക്ഷാ മരുന്നുകളുടെ അടിയന്തര ആവശ്യം മുന്നില്‍ക്കണ്ടാണ് മരുന്ന് കമ്പനികള്‍ പൊതുജനങ്ങളെ ചൂഷണം ചെയ്യുന്നത്. സര്‍ക്കാര്‍ നീതി മെഡിക്കല്‍ സ്റ്റോറുകള്‍ വഴി മരുന്ന് വാങ്ങി വിതരണം ചെയ്യാന്‍ സൗകര്യമുണ്ടായിട്ടും സര്‍ക്കാര്‍ തട്ടിപ്പ് കണ്ടില്ലെന്ന് നടിക്കുന്നത് മരുന്ന് കമ്പനികളെയും വിതരണക്കാരെയും സഹായിക്കാനാണെന്ന് ആക്ഷേപം ശക്തമായിരിക്കയാണ്.

ആരോഗ്യത്തിന് ദോഷകരമായ മദ്യം വിതരണം ചെയ്യാന്‍ സംസ്ഥാന സര്‍ക്കാര്‍ ബിവറേജസ് കോര്‍പറേഷന്‍ വഴി സംവിധാനമൊരുക്കിയപ്പോഴാണ് ജീവന്‍ രക്ഷാ മരുന്നുകള്‍ വിതരണം ചെയ്യാന്‍ നടപടിയെടുക്കണമെന്ന ആവശ്യത്തോട് സര്‍ക്കാര്‍ പുറം തിരിഞ്ഞ് നില്‍ക്കുന്നത്. മരുന്ന് വാങ്ങാന്‍ കഴിയാതെ പാവപ്പെട്ട നിരവധി പേര്‍ തങ്ങളുടെ കിടപ്പാടം പോലും വില്‍ക്കേണ്ട സ്ഥിതിയാണുള്ളത്. പൊതുജനങ്ങളുടെ പോക്കറ്റില്‍ നിന്ന് കോടികള്‍ കൊള്ളയടിക്കാന്‍ കൂട്ട് നില്‍ക്കുന്നതിന് ഡോക്ടര്‍മാര്‍ക്ക് ആവശ്യത്തിന് ഉപഹാരങ്ങളും മറ്റ് സാമ്പത്തിന് നേട്ടങ്ങളും ലഭിക്കുന്നുണ്ട്. എന്നാല്‍ സംസ്ഥാന സര്‍ക്കാറിനെയും വിലക്കെടുക്കാന്‍ മരുന്ന് കമ്പനികള്‍ക്ക് കഴിഞ്ഞിട്ടുണ്ടെന്നാണ് ഇതിനോട് സര്‍ക്കാര്‍ കാണിക്കുന്ന നിഷ്‌ക്രിയത്വം വ്യക്തമാക്കുന്നത്.

കേരളത്തില്‍ സര്‍ക്കാര്‍ മരുന്ന് വില്‍ക്കുന്നില്ലെങ്കില്‍ തങ്ങള്‍ അത് ചെയ്യാന്‍ തയ്യാറാണെന്ന് ഗാനഗന്ധര്‍വ്വന്‍ കെ.ജെ യേശുദാസ് സര്‍ക്കാറിനെ നേരത്തെ അറിയിച്ചിരുന്നു. എന്നാല്‍ മരുന്ന് വിതരണം ചെയ്യാന്‍ തങ്ങള്‍ നടപടിയെടുക്കുമെന്ന് മെഡിക്കല്‍ കോര്‍പറേഷന്‍ ഉറപ്പ് നല്‍കുകയായിരുന്നു. എന്നാല്‍ ഇക്കാര്യത്തില്‍ പിന്നീട് നടപടിയൊന്നുമുണ്ടായില്ല. മെഡിക്കല്‍ കോര്‍പറേഷന്‍ വഴി ജീവന്‍ രക്ഷാ മരുന്നുകള്‍ വിതരണം ചെയ്യുമെന്ന് മുഖ്യമന്ത്രി ഉമ്മന്‍ചാണ്ടി ഇപ്പോള്‍ പ്രഖ്യാപിച്ചിട്ടിട്ടുണ്ട്. എന്നാല്‍ അതിലുണ്ടാവുന്ന കാലതാമസം കോടികള്‍ കൊള്ളയടിക്കാന്‍ മരുന്ന് കമ്പനികള്‍ക്ക് അവസരം നല്‍കുകയാണ് ചെയ്യുന്നത്.

6 Responses to “സര്‍ക്കാര്‍ അറിവോടെ കോടികളുടെ മരുന്ന് കൊള്ള”

  1. balan

    ഉമ്മന്‍‌ചാണ്ടി ഭുലോക അഴിമതികാരന്‍ ആണന്നെ ഇന്നും ജനത്തിനെ മനസ്സിലായില്ല അച്ചുതനന്നണ്ടേ ചേട്ടന്‍ ആണേ ഉമ്മന്‍‌ചാണ്ടി മരുന്ന് ര്ഗതുതു മാത്രമാല്‍ എല്ലാ രംഗത്തും ഇയാള്‍ മോസം. അന്നഹച്ചരുടെ അഴിമതി നിരധാന ബില്ലില്‍ ഇയാളെ (ഉമ്മന്‍‌ചാണ്ടി ) ആദ്യമായി അറെസ്റ്റ്‌ ചെയ്തെ ഉള്ളില്‍ അടക്കണം .പത്ര പ്രവതകന്‍ ഉണ്ണിത്താനെ ഗുണ്ട ആക്രമിച്ച കേസില്‍ ഉമ്മന്‍ ചാണ്ടി അന്വേഷണ ഉദ്യോഗസ്ഥനെ സ്ഥലം മറ്റിയതെ പ്ത്രകനെതീരെഉല്ല അന്വേഷണ മരവിപിച്ചു. തോനുരെ ദിവസതിനിള്ളില്‍ റിപ്പോര്റെ സമപ്പിക്കാന്‍ ആയിരുന്നു ഉടോഗസ്തന്‍ പരിശ്രമം. സത്യാ സന്തന്മാരായ ഉടോഗസ്തരെ മാറ്റി ജന നിതി അട്ടിമറിക്കുന്ന ചാണ്ടിക്കെതിരെ പത്ര പ്രവര്തകെ ഒന്നടകം രംഗത്ത് വരണ്ട സമയം കഴിഞ്ഞിരിക്കുന്നു. ജനങ്ങളുടെ വോട്ട് വാങ്ങി അടികാരത്തില്‍ എത്തിയാല്‍ അഴിമാതിആനെ പിന്നെ നടക്കുന്നതെ അച്ചുതനന്നനും അഴിമതിയില്‍ ഒട്ടും മോസം ആയിരുന്നില്ല . ഇവന്ടെ ചേട്ടന്‍ അവന്‍ ! അവന്ടെ ചേട്ടന്‍ ഇവന്‍ . ഈ വാര്‍ത്ത‍ പത്രത്തില്‍ പ്ര്സിധികരിക്കണം !

  2. balan

    പവപെട്ടവണ്ടേ നെച്ഛതെ കോടാലി വയ്ക്കുന്ന ഇവന്ടെ ഒകെ മുഖം നോകി ഇടിക്കണ്ട കാലം അടുത്തു പലരാജ്യങ്ങളിലും ഇതേ നടന്നു ക്കാണുന്നു, ഒരു പഷേ ഇവന്മാരും ജനങ്ങളുടെ കയില്‍ നിന്നും താമസിയാതെ തല്ലെ നേരിട്ടു വങ്ങും സംശയം ഇല്ല . ജനം സഹി കേട്ടാല്‍ അത് ചെയും കണ്ടോള് !

  3. sajan janapaksham

    ശ്രീമതിയാണ്. ഉമ്മന്‍ ചാണ്ടി സര്‍ക്കാരിനു ആത്മര്‍ദ്ത ഉണ്ടെങ്കില്‍
    ഉടനടി ചെയ്യുവാന്‍ കഴിയുന്നത്‌ ഡോക്ടര്‍മാര്‍ മരുന്നുകളുടെ ജെനെറിക് പേരുകള്‍ മാത്രം എഴുതുവാന്‍ പാടുള്ളൂ എന്ന് സര്കുലര്‍ ഇറക്കുക. രോഗിക്ക് കൊടുക്കുന്ന കുറിപ്പടിയില്‍ മരുന്നുകളുടെ പേരുകള്‍ എഴുതുന്നതിനു പകരം ജെനെറിക് പേരുകള്‍ എഴുതിയാല്‍ ആവശ്യക്കാരന് അവനവന്റെ പോക്കറ്റിനു അനുസരിച്ച് മരുന്ന് വാങ്ങുവാന്‍ സാധിക്കും.

  4. nikil george

    2 യേശുദാസ്നീയും ജനപക്ഷംതിനയും പറ്റിച്ചത് എല്‍ ഡി ഫ സര്‍ക്കാരും ശ്രീമതി ടീച്ചര്‍ എന്നാ മുന്‍ ആരോഖ്യ മന്ത്രിയും ആണ് മരുന്ന്
    മഫിയെ സാഹിയച്ചത്, മരുന്നു കച്ചവടത്തിലെ ഒന്നാം പ്രതി ഡോക്ടര്‍ മാര്‍ രണ്ടാം പ്രതി ഭരണകൂടവും ഉദ്യൊഗസ്തരൂമ്ആണ് സര്‍ക്കാര്‍,ബെവേരജെസ് കോര്പെരാഷ്ന്‍ കള്ളല് ക്വച്ചടാം നാട്തിയാല്‍ വര്ഷം അയ്യിര്രിതി മുന്നൂറ് കോടി കിട്ടും എന്നാല്‍ സര്‍ക്കാര്‍ മരുന്ന് കവച്ചടും നടത്തിയാല്‍ വര്ഷം പതിനായിരും കോടി കിട്ടും രൂഖികള്‍ക്ക് മരുന്നും വില്ലകുര്ച്ചുകിട്ടും

  5. Raghu

    മെഡിക്കല്‍ രംഗത്ത് നടക്കുന്ന കൊള്ളരുതായ്മകള്‍ തിരിച്ചറിഞ്ഞാല്‍ നമ്മള്‍ ഞെട്ടിപ്പോകും! പുറത്തറിയുന്നത് ആയിരത്തില്‍ ഒരംശം കൂടിയില്ലെന്നതാണ് സത്യാവസ്ഥ.ഇടതെന്നോ വലതെന്നോ ഭേതമില്ല ഇക്കാര്യത്തില്‍. വര്ഷം തോറും നടക്കുന്ന പനീ വേട്ടയുടെ പുറകിലെ കളികളൊക്കെ പുറത്തു അറിയാന്‍ കിടക്കുന്നതെയുള്ളു.മന്ത് മരുന്നിന്റെ കാര്യം നമ്മള്‍ ബോദ്യപ്പെട്ടതാണ്. പിന്നെ വന്‍കിട മരുന്നുകംബനികളുമായി സര്‍ക്കാരുകള്‍ ഉണ്ടാക്കുന്ന അവിഹിത കോട്ടൂ കെട്ടുകളുടെ വിവരങ്ങളും പുറത്തു വന്നു തുടങ്ങിയിട്ടുണ്ട്.ഒരു കാര്യം സത്യമാണ് എല്ലാം ധന അറ്തിയുടെ ഭാഗമാണ് എന്ന് വ്യക്തമാണ്‌. പൊതു ജനരോഗ്യം എന്നാ മതിലിലേക്ക് ചാടിക്കയറി ഇവരൊക്കെ കാണിച്ചു കൂട്ടുന്ന തെമ്മടിതരത്തിന് കൂട്ട് നില്ക്കാന്‍ മുഖ്യധാര മാദ്യമങ്ങളുടെ സപ്പോര്‍ട്ടും കൂടിയുണ്ടെങ്കിലോ? കാര്യങ്ങള്‍ ബഹുകേമം!

  6. balan

    പാവപെട്ടവനെ കൊള്ള അടിക്കാന്‍ കൊറേ മാവേലി സ്റ്റോര്‍ എന്നും കൊറേ സൊസൈറ്റി എന്നൊക്കെ പരെഞ്ഞേ ഉണ്ടാക്കി വച്ചേ കൊള്ള ! ഇതിനും പുറമേ കേരളത്തിലെ മറ്റൊരു കൊള്ള കേന്ദ്രം ആണേ വ്യാപാര വവസായ എകൊപന്‍ എന്നൊരു പന വളര്ന്നുവരുന്നുണ്ടേ ഈ പന മറ്റൊരു കൊള്ള പന ഈ പന പൊതു ജനം വെട്ടണം എന്നാലെ നാടെ നന്നാവു !

LEAVE YOUR COMMENTS

Press ctrl+g to toggle between English and Malayalam.