![?php echo $post['title']; ?>](https://assets.doolnews.com/w/900x473/2024/12/vikranth.jpg)
12th ഫെയില് എന്ന ചിത്രത്തിലൂടെ ആരാധകരുടെ മനം കവര്ന്ന വിക്രാന്ത് മാസി അഭിനയ ജീവിതത്തിനോട് വിട പറയുന്നു. വിക്രാന്ത് തന്നെയാണ് ഇക്കാര്യം തന്റെ ഇന്സ്റ്റഗ്രാം സ്റ്റോറിയിലൂടെ ആരാധകരെ അറിയിച്ചത്. 2025ന് ശേഷം അഭിനയത്തില് നിന്ന് പിന്മാറാന് ആഗ്രഹിക്കുന്നു എന്നാണ് അദ്ദേഹം പ്രഖ്യാപിച്ചിരിക്കുന്നത്.
‘കഴിഞ്ഞ കുറച്ച് വര്ഷങ്ങളും അതിനപ്പുറവും അസാധാരണമായിരുന്നു. നിങ്ങളുടെ മായാത്ത പിന്തുണയ്ക്ക് ഞാന് ഓരോരുത്തര്ക്കും നന്ദി പറയുന്നു. എന്നാല് ഞാന് മുന്നോട്ട് പോകുമ്പോള്, ഒരുപാട് ചിന്തിച്ച് വീട്ടിലേക്ക് മടങ്ങാനുള്ള സമയമാണിതെന്ന് മനസ്സിലാക്കുന്നു. ഒരു ഭര്ത്താവ്, പിതാവ്, മകന് എന്ന നിലയിലും കൂടാതെ ഒരു അഭിനേതാവ് എന്ന നിലയിലും.
നമ്മള് 2025ല് ഒരിക്കല്ക്കൂടി അവസാനമായി കണ്ടുമുട്ടും. ശരിയായ സമയം വരുന്നതുവരെ. അവസാനത്തെ രണ്ട് ചിത്രങ്ങള്ക്കും നിരവധി വര്ഷത്തെ ഓര്മകള്ക്കും വീണ്ടും നന്ദി. എല്ലാവര്ക്കും എല്ലാത്തിനും ഒരിക്കല് കൂടി നന്ദി. എക്കാലവും കടപ്പെട്ടിരിക്കുന്നു,’ വിക്രാന്ത് ഇന്സ്റ്റഗ്രാമില് കുറിച്ചു.
