ഐ.പി.എല് 2026ന് കൊടിയേറാന് മണിക്കൂറുകളുടെ മാത്രം കാത്തിരിപ്പ്. മാര്ഡച്ച് 28ന് നടക്കുന്ന ഓപ്പണിങ് മാച്ചില് ഡിഫന്ഡിങ് ചാമ്പ്യന്മാരായ റോയല് ചലഞ്ചേഴ്സ് ബെംഗളൂരു സണ്റൈസേഴ്സ് ഹൈദരാബാദിനെ നേരിടും. ആര്.സി.ബിയുടെ ഹോം ഗ്രൗണ്ടായ ചിന്നസ്വാമി സ്റ്റേഡിയമാണ് വേദി.
വെടിക്കെട്ട് വീരന്മാര് അണിനിരക്കുന്ന സണ്റൈസേഴ്സ് ഹൈദരാബാദാണ് ഈ സീസണില് കിരീടം നേടാന് സാധ്യത കല്പിക്കുന്ന ടീമുകളില് ഒന്ന്. ഇഷാന് കിഷനും ട്രാവിസ് ഹെഡും അടക്കമുള്ള വമ്പനടി വീരന് പടുത്തുയര്ത്തുന്ന മികച്ച സ്കോറുകള് ഡിഫന്ഡ് ചെയ്യാന് ബൗളര്മാര്ക്ക് സാധിച്ചാല് രണ്ടാം കിരീടം ഹൈദരാബാദിലെത്തിക്കാന് ഉദയസൂര്യന്മാര്ക്ക് സാധിക്കും.
ഈ സീസണില് ഒരു റെക്കോഡ് സ്വന്തമാക്കാന് സണ്റൈസേഴ്സിന് അവസരമൊരുങ്ങും. ടി-20 ഫോര്മാറ്റില് ഏറ്റവുമധികം തവണ 250+ ടോട്ടല് സ്വന്തമാക്കുന്ന ടീം എന്ന നേട്ടത്തിലെത്താനാണ് സണ്റൈസേഴ്സിന് സാധിക്കുക. ഈ റെക്കോഡില് ഇന്ത്യയാണ് ഒന്നാമതുള്ളത്.
ഏഴ് തവണയാണ് ഇന്ത്യ ടി-20 ഫോര്മാറ്റില് 250+ റണ്സ് സ്വന്തമാക്കിയത്. 2026 ടി-20 ലോകകപ്പില് സെമി ഫൈനലിലും ഫൈനലിലുമടക്കം മൂന്ന് തവണയാണ് ഇന്ത്യ 250+ ടോട്ടല് മറികടന്നത്. അഞ്ച് തവണ സണ്റൈസേഴ്സ് 250+ റണ്സ് നേടി.
ടി-20യില് ഇന്ത്യ 250+ മാര്ക് പിന്നിട്ട മത്സരങ്ങള്
(സ്കോര് – എതിരാളികള് – വേദി – വര്ഷം എന്നീ ക്രമത്തില്)
297/6 ബംഗ്ലാദേശ് – ഹൈദരാബാദ് – 2024
283/1 സൗത്ത് ആഫ്രിക്ക – ജോഹനാസ്ബെര്ഗ് – 2024
271/5 ന്യൂസിലാന്ഡ് – തിരുവനന്തപുരം – 2026
260/5 ശ്രീലങ്ക – ഇന്ഡോര് – 2017
256/4 സിംബാബ്വേ – ചെന്നൈ – 2026
255/5 ന്യൂസിലാന്ഡ് – അഹമ്മദാബാദ് – 2026
253/7 ഇംഗ്ലണ്ട് – വാംഖഡെ – 2026
(ഏറ്റവും ഉയര്ന്ന സ്കോറിന്റെ ക്രമത്തില്)
ഈ ഏഴ് മത്സരത്തിലും ഇന്ത്യ തന്നെയാണ് വിജയം സ്വന്തമാക്കിയതും.
ഐ.പി.എല്ലിന്റെ 2024, 2025 സീസണുകളിലാണ് സണ്റൈസേഴ്സ് ഹൈദരാബാദ് തങ്ങളുടെ അഞ്ച് 250+ സ്കോറുകളും അടിച്ചെടുത്തത്.
2024 മാര്ച്ച് 27ന് സ്വന്തം തട്ടകത്തില് മുംബൈ ഇന്ത്യന്സിനെ അടിച്ചൊതുക്കി തങ്ങളുടെ ചരിത്രത്തിലെ ആദ്യ 250+ സ്കോര് സ്വന്തമാക്കിയ സണ്റൈസേഴ്സ്, ശേഷം ആ സീസണില് രണ്ട് തവണയും അടുത്ത സീസണില് രണ്ട് തവണും 250 മാര്ക് പിന്നിട്ടു.
