അയര്‍ലാന്‍ഡിനും ഇംഗ്ലണ്ടിനുമെതിരായ പരമ്പരകളിലെ ഇന്ത്യ നിരാശാജനകമായ പ്രകടമായിരുന്ന കാഴ്ചവെച്ചത്. ഇതോടെ വിദേശ പിച്ചുകളിലെ ഇന്ത്യന്‍ ബാറ്റര്‍മാരുടെ പ്രകടനം വീണ്ടും ചര്‍ച്ചാവിഷയമായിരുന്നു.

അയര്‍ലാന്‍ഡിനെതിരായ പരമ്പര ഇന്ത്യ 2-0ന് വമ്പന്‍ നാണക്കേടിലാണ് പരാജയപ്പെട്ടത്. തുടര്‍ന്ന് ഇംഗ്ലണ്ടിനെതിരായ അഞ്ച് മത്സരങ്ങളുടെ പരമ്പരയിലും ഇന്ത്യയ്ക്ക് ഒരു മത്സരം പോലും ജയിക്കാനായില്ല. 4-0ന് പരമ്പര സ്വന്തമാക്കിയ ഇംഗ്ലണ്ട് ഇന്ത്യന്‍ ബാറ്റിങ് നിരയുടെ ദൗര്‍ബല്യങ്ങള്‍ തുറന്നുകാട്ടി.

ഇപ്പോള്‍ ഈ പ്രതിസന്ധിക്ക് പരിഹാരവുമായി വന്നിരിക്കുകയാണ് മുന്‍ ഇന്ത്യന്‍ താരം സുനില്‍ ഗവാസ്‌കര്‍. ഇന്ത്യയില്‍ ഫ്‌ളാറ്റ് പിച്ചുകളാണെന്നും അല്‍പ്പം പിഴവുസംഭവിച്ച ഷോട്ടുകള്‍ പോലും ബൗണ്ടറി കടക്കാന്‍ സഹായിക്കുമെന്നും അദ്ദേഹം പറഞ്ഞു. ഇന്ത്യന്‍ ബാറ്റര്‍മാര്‍ക്ക് ഇത്തരം സാഹചര്യങ്ങളോട് പൊരുത്തപ്പെടണമെങ്കില്‍ ബൗണ്ടറിയുടെ വലിപ്പം വര്‍ധിപ്പിക്കേണ്ടത് അത്യന്താപേക്ഷിതമാണെന്ന് അദ്ദേഹം കൂട്ടിച്ചേര്‍ത്തു.

‘ഐ.പി.എല്ലിലെ ഫ്‌ളാറ്റ് പിച്ചുകളിലും ചെറിയ ബൗണ്ടറികളിലും ഇന്ത്യന്‍ ബാറ്റര്‍മാര്‍ ധാരാളം റണ്‍സ് നേടുകയും പിന്നീട് ഇംഗ്ലണ്ടിലെ വ്യത്യസ്ത സാഹചര്യങ്ങളില്‍ ബുദ്ധിമുട്ടുകയും ചെയ്യുന്നതിനെക്കുറിച്ച് പലരും സംസാരിക്കുന്നുണ്ട്. ഇന്ത്യയില്‍ ഫ്‌ളാറ്റ് പിച്ചുകളുണ്ടെന്നത് ശരിയാണ്.

എന്നാല്‍ അല്‍പ്പം പിഴവുസംഭവിച്ച ഷോട്ടുകള്‍ പോലും ബൗണ്ടറി കടക്കാന്‍ സഹായിക്കും. അതേസമയം, വലിയ ബൗണ്ടറികളുള്ള രാജ്യങ്ങളില്‍ അതേ ഷോട്ടുകള്‍ ബൗണ്ടറി ലൈനിന് തൊട്ടുമുന്നില്‍ ഫീല്‍ഡര്‍മാര്‍ പിടികൂടുകയാണ് ചെയ്യുന്നത്.

പുതിയ സീസണും, ലോകകപ്പും ആരംഭിക്കുന്നതിന് മുമ്പ് ഇന്ത്യന്‍ ബാറ്റര്‍മാര്‍ക്ക് ഇത്തരം സാഹചര്യങ്ങളോട് പൊരുത്തപ്പെടണമെങ്കില്‍ ബൗണ്ടറിയുടെ വലിപ്പം വര്‍ധിപ്പിക്കേണ്ടത് അത്യന്താപേക്ഷിതമാണ്. എല്ലാ ഗ്രൗണ്ടുകളിലും എല്‍.ഇ.ഡി പരസ്യ ബോര്‍ഡുകള്‍ക്ക് പിന്നില്‍ ആളുകള്‍ക്ക് നടക്കാന്‍ ധാരാളം സ്ഥലമുണ്ട്. ഈ സ്ഥലം ഉപയോഗിക്കുകയാണെങ്കില്‍ ബൗണ്ടറിയുടെ വലിപ്പം വര്‍ധിക്കാം,’ ഗവാസ്‌കര്‍ സ്‌പോര്‍ഡ്‌സ് സ്റ്റാറിലെ കോളത്തില്‍ എഴുതി.

അതേസമയം സിംബാബ്‌വേയ്‌ക്കെതിരായ മൂന്ന് മത്സരങ്ങള്‍ അടങ്ങുന്ന ടി-20 പരമ്പര ഇന്ത്യ വൈറ്റ് വാഷ് ചെയ്തിരുന്നു. ഹരാരെ സ്‌പോര്‍ട്‌സ് ക്ലബ്ബില്‍ നടന്ന അവസാന മത്സരത്തില്‍ 35 റണ്‍സിന്റെ തകര്‍പ്പന്‍ വിജയമാണ് ഇന്ത്യ സ്വന്തമാക്കിയത്. മത്സരത്തില്‍ ടോസ് നേടി ആദ്യം ബാറ്റ് ചെയ്ത ഇന്ത്യ അഞ്ച് വിക്കറ്റ് നഷ്ടത്തില്‍ 192 റണ്‍സാണ് നേടിയത്. വിജയലക്ഷ്യം പിന്തുടര്‍ന്ന സിംബാബ്‌വേ ഇന്നിങ്‌സ് ഏഴ് വിക്കറ്റ് നഷ്ടത്തില്‍ 157 റണ്‍സില്‍ അവസാനിച്ചു.

Content Highlight: Sunil Gavaskar on the poor form of Indian batters on overseas pitches