ബാഴ്സലോണയിലെ തന്റെ ഭാവിയെക്കുറിച്ച് പ്രതികരിച്ച് സ്പാനിഷ് മുന്നേറ്റനിര താരവും ലോകകപ്പ് ഹീറോയും ഫെറാന് ടോറസ്. ഫുട്ബോളില് സാഹചര്യങ്ങള് ഏത് നിമിഷവും മാറാമെന്നും, ബാഴ്സലോണയ്ക്ക് തന്നെ നിലനിര്ത്താന് താത്പര്യമുണ്ടെങ്കില് കരാര് ചര്ച്ചകളിലൂടെ വ്യക്തമാക്കണം എന്നാണ് ടോറസിന്റെ നിലപാട്.
നിലവിലെ യുവേഫ ചാമ്പ്യന്സ് ലീഗ് ജേതാക്കളായ പി.എസ്.ജി ടോറസിനെ സ്വന്തമാക്കാനുള്ള ശ്രമങ്ങള് ശക്തമാക്കുന്നതിനിടെയാണ് താരത്തിന്റെ പ്രതികരണം ശ്രദ്ധേയമായത്. സ്പാനിഷ് ദേശീയ ടീമില് ടോറസിനെ പരിശീലിപ്പിച്ച പി.എസ്.ജി പരിശീലകന് ലൂയിസ് എന്റിക്വാണ് താരത്തെ പാരീസിലെത്തിക്കാന് മുന്കൈ എടുക്കുന്നതെന്നാണ് റിപ്പോര്ട്ടുകള്.
ലോകകപ്പ് ഫൈനലില് അര്ജന്റീനയ്ക്കെതിരെ അധികസമയത്ത് വിജയഗോള് നേടി സ്പെയിനിന് കിരീടം സമ്മാനിച്ചതിന് പിന്നാലെ 26കാരനായ ടോറസിന്റെ മൂല്യം കുത്തനെ ഉയര്ന്നിരുന്നു. ഇതോടെയാണ് യൂറോപ്പിലെ വമ്പന് ക്ലബ്ബുകള് താരത്തിനായി രംഗത്തിറങ്ങിയത്.ഫെറാന് ടോറസ്
ബാഴ്സലോണയുമായി കരാര് നിലനില്ക്കുന്നുണ്ടെങ്കിലും ട്രാന്സ്ഫര് സാധ്യത പൂര്ണമായും തള്ളിക്കളയാന് ടോറസ് തയ്യാറായിട്ടില്ല. ഭാവിയെക്കുറിച്ച് അന്തിമ തീരുമാനത്തിലെത്താന് ഇനിയും സമയമുണ്ടെന്ന സൂചനയാണ് അദ്ദേഹത്തിന്റെ പ്രതികരണത്തില് നിന്ന് ലഭിക്കുന്നത്.
‘എനിക്ക് ബാഴ്സലോണയുമായി കരാറുണ്ട്. എന്നാല് ഫുട്ബോളില് എന്ത് സംഭവിക്കുമെന്ന് ഒരിക്കലും മുന്കൂട്ടി പറയാനാവില്ല. ശരിയായ തീരുമാനം എടുക്കാന് ഞാന് കാത്തിരിക്കുകയാണ്. നിലവില് ഇക്കാര്യത്തില് വ്യക്തമായ തീരുമാനമൊന്നും എടുത്തിട്ടില്ല,’ എന്.ബി.സിക്ക് നല്കിയ അഭിമുഖത്തില് ടോറസ് പറഞ്ഞു.
യൂറോപ്പിലെ പ്രമുഖ ക്ലബ്ബുകള് തന്റെ സേവനം തേടുന്നത് സന്തോഷകരമായ കാര്യമാണെന്നും, എന്നാല് നിലവിലെ കരാര് സ്വന്തം ഭാവിയെക്കുറിച്ചുള്ള തീരുമാനം സ്വയം എടുക്കാനുള്ള സ്വാതന്ത്ര്യം തനിക്ക് നല്കുന്നുണ്ടെന്നും ടോറസ് കൂട്ടിച്ചേര്ത്തു.
ഫെറാന് ടോറസ്
