നിയമസഭാ മാര്‍ച്ചിനിടെ കെ.എസ്.യു പ്രസിഡന്റിനെ തല്ലിച്ചതച്ച് പൊലീസ്; വീഡിയോ പുറത്തുവിട്ട് ശശി തരൂര്‍- വീഡിയോ
kERALA NEWS
നിയമസഭാ മാര്‍ച്ചിനിടെ കെ.എസ്.യു പ്രസിഡന്റിനെ തല്ലിച്ചതച്ച് പൊലീസ്; വീഡിയോ പുറത്തുവിട്ട് ശശി തരൂര്‍- വീഡിയോ
ന്യൂസ് ഡെസ്‌ക്
Tuesday, 19th November 2019, 10:39 pm

കോഴിക്കോട്: മോഡറേഷന്‍ തട്ടിപ്പിനെതിരെ നിയമസഭാ മാര്‍ച്ച് നടത്തുന്നതിനിടയില്‍ കെ.എസ്.യു പ്രസിഡന്റ് കെ.എം അഭിജിത്തിനെ പൊലീസ് തല്ലിച്ചതയ്ക്കുന്ന ദൃശ്യങ്ങള്‍ പുറത്തുവിട്ട് കോണ്‍ഗ്രസ് നേതാവ് ശശി തരൂര്‍. ട്വിറ്ററിലാണ് അദ്ദേഹം ഇതിന്റെ വീഡിയോ പങ്കുവെച്ചത്.

പൊലീസ് മര്‍ദ്ദനമേറ്റ അഭിജിത്തിനോടും ഷാഫി പറമ്പില്‍ എം.എല്‍.എയോടും ഫോണില്‍ സംസാരിച്ചതായി തരൂര്‍ ട്വീറ്റില്‍ പറയുന്നുണ്ട്.

ട്വീറ്റ് ഇങ്ങനെ: ‘കേരളത്തിലെ യുവനേതാക്കളോടും രാഷ്ട്രീയക്കാരോടും പൊലീസ് കാണിക്കുന്ന ക്രൂരത ഭയപ്പെടുത്തുന്നതാണ്. സമാധാനപരമായി സമരം നടത്തിയതിനാണ് കെ.എസ്.യു പ്രസിഡന്റ് അഭിജിത്തിനെ പൊലീസ് ക്രൂരമായി മര്‍ദ്ദിച്ചത്. ആശുപത്രിയില്‍ക്കഴിയുന്ന അദ്ദേഹത്തോടും പരിക്കേറ്റ ഷാഫി പറമ്പില്‍ എം.എല്‍.എയോടും ഫോണില്‍ സംസാരിച്ചു.’

വാര്‍ത്തകള്‍ ടെലഗ്രാമില്‍ ലഭിക്കാന്‍ ഇവിടെ ക്ലിക്ക് ചെയ്യൂ

പൊലീസ് അക്രമത്തില്‍ പ്രതിഷേധിച്ച് സംസ്ഥാനത്ത് ബുധനാഴ്ച കെ.എസ്.യു വിദ്യാഭ്യാസ ബന്ദ് പ്രഖ്യാപിച്ചിട്ടുണ്ട്.

മാര്‍ച്ചിന് നേരെ പൊലീസ് ലാത്തിച്ചാര്‍ജ്ജ് പ്രയോഗിച്ചതിനെത്തുടര്‍ന്ന് നിയമസഭയില്‍ നിന്നും പുറത്തെത്തിയ ഷാഫി പറമ്പിലിനും പരിക്കേല്‍ക്കുകയായിരുന്നു.

മാര്‍ച്ചിന് നേരെ പൊലീസ് ലാത്തിച്ചാര്‍ജ്ജ് പ്രയോഗിച്ചതിനെത്തുടര്‍ന്ന് നിയമസഭയില്‍ നിന്നും പുറത്തെത്തിയ ഷാഫി പറമ്പിലിനും പരിക്കേല്‍ക്കുകയായിരുന്നു.

ഡൂൾന്യൂസ് യൂട്യൂബ് ചാനൽ സബ്സ്ക്രൈബ് ചെയ്യാനായി ഇവിടെ ക്ലിക്ക് ചെയ്യൂ

‘ശബ്ദിക്കുന്നവരുടെ തലയടിച്ചു പൊട്ടിച്ചാല്‍ നീതി നിശ്ശബ്ദമാവുമെന്നാണോ പിണറായി വിജയാ, നിങ്ങളുടെ പൊലീസ് കരുതിയിരിക്കുന്നത്? ഷാഫി പറമ്പിലിനും അഭിജിത്തിനും കെ.എസ്.യു സഹപ്രവര്‍ത്തകര്‍ക്കും അഭിവാദനങ്ങള്‍.’- ഇങ്ങനെയായിരുന്നു ബല്‍റാമിന്റെ പോസ്റ്റ്.