ഐ.പി.എല്ലില് കഴിഞ്ഞ ദിവസം നടന്ന നിര്ണായക മത്സരത്തില് ചെന്നൈ സൂപ്പര് കിങ്സിനെ പരാജയപ്പെടുത്തി സണ്റൈസേഴ്സ് ഹൈദരാബാദ് വിജയം സ്വന്തമാക്കിയിരുന്നു. ചെന്നൈയുടെ തട്ടകമായ ചെപ്പോക്കില് നടന്ന മത്സരത്തില് അഞ്ച് വിക്കറ്റിനാണ് പാറ്റ് കമ്മിന്സും കൂട്ടരും വിജയക്കൊടി പറത്തിയത്. ഇതോടെ 2026ലെ ഐ.പി.എല്ലില് പ്ലേഓഫിലെത്താനും ഹൈദരാബാദിന് സാധിച്ചു. പിന്നാലെ ചെന്നൈയുടെ പ്ലേഓഫ് സാധ്യതകളും മങ്ങിയിരിക്കുകയാണ്.
ടി.വി റീപ്ലേയില് ക്ലാസന് ഔട്ടാണെന്ന് വിധിച്ചതോടെ നൂര് അഹമ്മദ് അടക്കമുള്ള ചെന്നൈ താരങ്ങള് സഞ്ജുവിനെ അഭിനന്ദിക്കുന്നതിനിടെയാണ് വിക്കറ്റ് നഷ്ടമായതിന്റെ കടുത്ത നിരാശയില് ക്ലാസന് സഞ്ജുവിന് നേരെ തിരിഞ്ഞത്. ദേഷ്യത്തോടെ കലിപ്പ് കാണിച്ച് ക്ലാസന് സഞ്ജുവിനോട് എന്തോ പറഞ്ഞു. ഇതിനിടയില് ശിവം ദുബെ ഇടപെട്ട് ക്ലാസനെനെ പറഞ്ഞയക്കുയായിരുന്നു. നിര്ണായക മത്സരത്തില് അര്ധ സെഞ്ച്വറി നേടാന് സാധിക്കാത്തതിന്റെ രോഷമാണ് ക്ലാസന് കാണിച്ചതെന്നാണ് ആരാധകര് പറയുന്നത്.
Henrich Klassen abused Sanju Samson after stumping him ?🤬🤬
അതേസമയം ബാറ്റിങ്ങില് ഹൈദരാബാദിന് വേണ്ടി 26 പന്തില് ആറ് ഫോറും രണ്ട് സിക്സും ഉള്പ്പെടെ 47 റണ്സ് നേടിയാണ് ഹെന്റിക് ക്ലാസന് മടങ്ങിയത്. ഇഷാന് കിഷന് 47 പന്തില് ഏഴ് ഫോറും മൂന്ന് സിക്സും ഉള്പ്പെടെ 70 റണ്സ് നേടി പ്ലെയര് ഓഫ് ദി മാച്ച് അവാര്ഡ് സ്വന്തമാക്കിയിരുന്നു. ചെന്നൈയ്ക്ക് വേണ്ടി സഞ്ജു സാംസണ് മികച്ച തുടക്കം നല്കിയിരുന്നു. 13 പന്തില് 27 റണ്സെടുത്താണ് താരം മടങ്ങിയത്.
Content Highlight: Sanju Samson’s fans protest under Henrich Klaasen’s Instagram post
