അഫ്ഗാനിസ്ഥാനെതിരെയുള്ള രണ്ടാം ഏകദിനത്തിനുള്ള തയ്യാറെടുപ്പിലാണ് ഇന്ത്യന് ടീം. ഇന്ന് (ജൂണ് 17) ഉച്ചക്ക് 1.30 നാണ് മത്സരം ഷെഡ്യൂള് ചെയ്തിരിക്കുന്നത്. എകാന ക്രിക്കറ്റ് സ്റ്റേഡിയത്തിലാണ് മത്സരം അരങ്ങേറുക.
ആദ്യ ഏകദിനത്തില് വിജയിച്ച ഇന്ത്യ പരമ്പരയില് 1 – 0ന് മുന്നിലാണ്. അതിനാല് തന്നെ വലിയ ആത്മവിശ്വാസത്തിലായിരിക്കും ശുഭ്മന് ഗില്ലും സംഘവും കളത്തിലിറങ്ങുക. രണ്ടാം മത്സരത്തിലും വിജയിച്ചാല് ഇന്ത്യയ്ക്ക് പരമ്പര സ്വന്തമാക്കാന് സാധിക്കും. മറുവശത്ത് അഫ്ഗാന് പരമ്പര കൈവിടാതിരിക്കാന് വിജയിച്ചേ തീരൂ.
ഈ മത്സരത്തിനായി കളത്തിലിറങ്ങുമ്പോള് സൂപ്പര് താരം രോഹിത് ശര്മയ്ക്ക് ഒരു തകര്പ്പന് നേട്ടം സ്വന്തമാക്കാനുള്ള അവസരമുണ്ട്. ഏകദിനത്തില് ഏറ്റവും കൂടുതല് സെഞ്ച്വറി നേടുന്ന ഇന്ത്യന് ഓപ്പണര് എന്ന നേട്ടമാണ് മുന്നിലുള്ളത്. ഇതിനായി രോഹിത്തിന് വേണ്ടത് ഒരു സെഞ്ച്വറി മാത്രമാണ്.
നിലവില് ഈ നേട്ടത്തില് ക്രിക്കറ്റ് ഇതിഹാസം സച്ചിന് ടെന്ഡുല്ക്കറിനൊപ്പമാണ് രോഹിത്. ഓപ്പണര്മാരായി ഈ ഫോര്മാറ്റില് ഇറങ്ങി ഇരുവരും 45 വീതം സെഞ്ച്വറികളാണ് അടിച്ചത്. അഫ്ഗാനെതിരെ ഒരു സെഞ്ച്വറി നേടിയാല് രോഹിത്തിന് സച്ചിനെ വെട്ടി ഈ ലിസ്റ്റില് തലപ്പത്തെത്താന് സാധിക്കും.
സച്ചിന് ടെന്ഡുല്ക്കര് – 45
രോഹിത് ശര്മ – 45
വിരേന്ദര് സേവാഗ് – 36
സുനില് ഗവാസ്കര് – 36
ശിഖര് ധവാന് – 24
അതേസമയം ധര്മശാലയില് നടന്ന ആദ്യ ഏകദിനത്തില് ഏഴ് വിക്കറ്റിന്റെ വിജയമായിരുന്നു അഫ്ഗാനെതിരെ ഇന്ത്യ സ്വന്തമാക്കിയത്. എന്നാല്, മത്സരത്തില് രോഹിത്തിന് തിളങ്ങാന് സാധിച്ചിരുന്നില്ല. വെറും 16 റണ്സ് മാത്രമായിരുന്നു താരത്തിന്റെ സമ്പാദ്യം.
Content Highlight: Rohit Sharma needs one century to surpass Sachin Tendulkar to become Indian opener with most hundreds in ODI
