രാജസ്ഥാന്‍ റോയല്‍സിനോട് ഗുഡ് ബൈ പറഞ്ഞ് മലയാളി താരം

രാജസ്ഥാന്‍ റോയല്‍സിന്റെ പരീശീലക സംഘത്തിലെ മലയാളി താരവും മുന്‍ കേരള രഞ്ജി ടീം ക്യാപ്റ്റനുമായ റൈഫി വിന്‍സെന്റ് ഗോമസിന് ഇനി പുതിയ ചുമതല. പോണ്ടിച്ചേരി ക്രിക്കറ്റ് ടീമിന്റെ മുഖ്യ പരിശീലകനായിട്ടാണ് റൈഫിയെ നിയമിച്ചിരിക്കുന്നത്.

ഐ.പിഎല്ലിലും ആഭ്യന്തര ക്രിക്കറ്റിലും കേരളത്തിന്റെ യശസ്സ് വാനോളമുയര്‍ത്തിയ താരമായിരുന്ന റൈഫി പോണ്ടിച്ചേരിയുടെ പരിശീലക സ്ഥാനത്തേക്കെത്തുമ്പോള്‍ പ്രതീക്ഷകള്‍ ഏറെയാണ്.

രാജസ്ഥാന്‍ റോയല്‍സ് അക്കാദമിയില്‍ അസിസ്റ്റന്റ് കോച്ചായിരിക്കവെയാണ് പുതിയ ചുമതല റൈഫിയെ തേടിയെത്തിയിരിക്കുന്നത്.