![?php echo $post['title']; ?>](https://assets.doolnews.com/w/900x473/2020/05/up.gif)
ലക്‌നൗ: മാനസിക വെല്ലുവിളി നേരിടുന്ന ആള്‍ക്കെതിരെ യു.പി പൊലീസിന്റെ ക്രൂരത.
ഉത്തര്‍പ്രദേശിലെ ഇറ്റാവ ജില്ലയിലാണ് സംഭവം നടന്നത്.
സുനില്‍ യാദവ് എന്ന ആളാണ് പൊലീസിന്റെ അതിക്രമത്തിന് ഇരയായത്.
മാനസിക വെല്ലുവിളി നേരിടുന്ന സുനില്‍ യാദവിനെ പൊലീസ് കോണ്‍സ്റ്റബിള്‍ ക്രൂരമായി മര്‍ദ്ദിക്കുകയായിരുന്നു. സംഭവത്തിന്റെ വീഡിയോ സോഷ്യല്‍ മീഡിയയില്‍ വ്യപകമായി പ്രചരിക്കുന്നുണ്ട്.
സംഭവത്തിനെതിരെ വിവിധ മേഖലകളില്‍ നിന്ന് പ്രതിഷേധങ്ങള്‍ ഉയര്‍ന്നു വന്നിട്ടുണ്ട്. ലാത്തികൊണ്ടടിക്കുന്നതായും ഷൂകൊണ്ട് ചവിട്ടുന്നതായും വീഡിയോയില്‍ കാണുന്നുണ്ട്.
സമാജ് വാദി പാര്‍ട്ടി സംഭവത്തിന്റെ വീഡിയോ ട്വിറ്ററില്‍ പങ്കുവെച്ചിട്ടുണ്ട്. യു.പി പൊലീസിന്റെ പ്രാകൃത മുഖം ഒരിക്കല്‍ക്കൂടി പുറത്തു വന്നിരിക്കുന്നുവെന്ന് പറഞ്ഞുകൊണ്ടാണ് വീഡിയോ പങ്കുവെച്ചിരിക്കുന്നത്.
സുനില്‍ മയക്കുമരുന്നിന് അടിമയാണെന്നും പ്രദേശത്തെ ഗ്രാമീണരെ ആക്രമിക്കാന്‍ സാധ്യതയുണ്ടെന്നും പരാതി കിട്ടിയതിനെത്തുടര്‍ന്നാണ് ഇയാളെ പിടികൂടാന്‍ പോയതെന്നും പൊലീസ് പറഞ്ഞു. തങ്ങള്‍ അവിടെ എത്തിയപ്പോള്‍ ഇയാള്‍ കത്തി കൊണ്ട് ആക്രമിച്ചുവെന്നാണ് പൊലീസ് ആരോപിക്കുന്നത്.
इटावा के बीबा मऊ गांव में फिर सामने आया यूपी पुलिस का बर्बर चेहरा।
SO संरक्षित सिपाही ने निर्दोष मानसिक रूप से विक्षिप्त युवक को बेरहमी से पीटा।
वीडियो वायरल होने के बाद मात्र दोषी सिपाही पर निलंबन की कार्रवाई अपर्याप्त। जांच करा SO को भी किया जाए निलंबित। pic.twitter.com/3xyGLuUsf0— Samajwadi Party (@samajwadiparty) May 3, 2020
അതേസമയം, കോണ്‍സ്റ്റബിള്‍ അതിക്രമം നടത്തിയിട്ടുണ്ടെന്ന് കണ്ടെത്തിയതിനെത്തുടര്‍ന്ന് ഇയാളെ സസ്‌പെന്റ് ചെയ്തു.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.
