![?php echo $post['title']; ?>](https://assets.doolnews.com/w/900x473/2018/03/ns-madhavan.jpg)
കൊച്ചി: കോൺഗ്രസിനെ പരിഹസിച്ച് എഴുത്തുകാരൻ എൻ.എസ്.മാധവൻ. കോണ്‍ഗ്രസിന്റെ ഹൈകമാൻഡ് വെറും ലോ കമാൻഡായി പരിണമിച്ചുവെന്നാണ് എന്‍.എസ്. മാധവന്‍ ട്വിറ്ററില്‍ എഴുതിയത്. കോൺഗ്രസിന്റെ ഉന്നതാധികാര സമിതിയായ കോൺഗ്രസ് വർക്കിങ് കമ്മിറ്റി ഹൈകമാൻഡ് എന്ന പേരിലാണ് പൊതുവിൽ അറിയപ്പെടുന്നത്.
തെരഞ്ഞെടുപ്പ് കമ്മീഷൻ തെരഞ്ഞെടുപ്പിന്റെ തീയതികൾ പ്രഖ്യാപിച്ചിട്ട് ഒരാളാഴ്ചയോളമായിട്ടും സ്ഥാനാത്ഥികളെ നിശ്ചയിക്കാൻ കോൺഗ്രസിന് ആയിട്ടില്ലെന്നും ദൽഹിയില്‍ ആം ആദ്മി പാര്‍ട്ടിയുമായി സഖ്യം ചേരുന്നതിനുള്ള സാധ്യത ദൽഹി മുൻമുഖ്യമന്ത്രി ഷീലാ ദീക്ഷിത്ത് ഇല്ലാതാക്കിയതിലൂടെ എല്ലാ സീറ്റുകളിലും കോൺഗ്രസ് മൂന്നാം സ്ഥാനത്തേക്ക് തള്ളപ്പെടുമെന്നും എൻ.എസ്.,മാധവൻ ട്വീറ്റിൽ പറയുന്നു.
7 days after the polls are declared and still no signs of Cong candidates in Kerala. In Delhi Sheila Dixit blocking AAP tie-up paves way to Cong to be number 3 there in all constituencies. Cong High Command this time is very low in command.
— N.S. Madhavan این. ایس. مادھون (@NSMlive) March 16, 2019
ഇടതുമുന്നണി കേരളത്തിൽ സ്ഥാനാര്‍ത്ഥികളെ പ്രഖ്യാപിക്കുകയും ഇരുപതോളം മണ്ഡലങ്ങളിൽ ഒന്നാംഘട്ട പ്രചാരണം നടത്തുകയും ചെയ്‌തു. അതേസമയം യു.ഡി.എഫും എന്‍.ഡി.എയും സ്ഥാനാർത്ഥികളുടെ കാര്യത്തിൽ വ്യക്തമായ തീരുമാനത്തിൽ ഇനിയും എത്തിയിട്ടില്ല സീറ്റിനെ ചൊല്ലിയുള്ള തർക്കമാണ് കോൺഗ്രസിനെ വെട്ടിലാക്കിയതെന്നാണ് മനസിലാക്കുന്നത്.
