2026 ഫിഫ ലോകകപ്പിലെ ആദ്യ മത്സരത്തിന് ഒരുങ്ങുന്ന ബ്രസീലിന് തിരിച്ചടി. മൊറോക്കോക്കെതിരായ മത്സരത്തില് നെയ്മര് ജൂനിയര് കളിക്കില്ല. കാലിനേറ്റ പരിക്ക് ഭേദമാവാത്തതിനാലാണ് താരത്തിന് ആദ്യ മത്സരം നഷ്ടമാകുക.
എന്നാല്, നെയ്മര് പുരോഗതി കൈവരിക്കുന്നുണ്ടെന്ന് ബ്രസീൽ പരിശീലകൻ കാർലോ ആൻസലോട്ടി പറഞ്ഞു.. അടുത്ത ആഴ്ച താരം പരിശീലനത്തിന് ഇറങ്ങുമെന്നും അദ്ദേഹം പ്രതീക്ഷ പങ്കുവെച്ചു.
View this post on Instagram
‘നെയ്മറുടെ ആരോഗ്യനില മെച്ചപ്പെട്ടുവരികയാണ്. അടുത്ത ആഴ്ചയോടെ അദ്ദേഹം ടീമിനൊപ്പം സാധാരണ രീതിയിലുള്ള പരിശീലനത്തിലേക്ക് മടങ്ങിയെത്തുമെന്ന് ഞങ്ങള് പ്രതീക്ഷിക്കുന്നു.
എത്രയും വേഗത്തില് തിരിച്ചെത്താന് നെയ്മര് വളരെ കഠിനമായി പരിശ്രമിക്കുന്നുണ്ട്. അദ്ദേഹത്തെ ടീമിലേക്ക് വിളിച്ചത് ഫുട്ബോള് മികവ് കൊണ്ട് മാത്രമല്ല. മറിച്ച്, ടീമിലെ യുവതാരങ്ങള്ക്ക് അദ്ദേഹത്തിന് നല്കാന് കഴിയുന്ന അനുഭവസമ്പത്തും മാതൃകയും കൂടി കണക്കിലെടുത്താണ്,’ ആന്സലോട്ടി പറഞ്ഞു.
2023ന് ശേഷം നെയ്മര് ബ്രസീലിന് വേണ്ടി കളിച്ചിട്ടില്ല. ആ വര്ഷം മെയ് പകുതിയോടെ കാലിന് ഏറ്റ പരിക്കാണ് താരത്തിന് വിനയായത്. താരത്തിന്റെ ഫിറ്റ്നസില് ആശങ്കകള് ഉണ്ടായിരുന്നെങ്കിലും ആന്സലോട്ടി താരത്തെ അവസാന നിമിഷം ലോകകപ്പിനുള്ള ടീമില് ഉള്പ്പെടുത്തുകയായിരുന്നു.
നെയ്മര് ജൂനിയര്.
അതേസമയം, നാളെ (ജൂണ് 14) പുലര്ച്ചെ 3.30നാണ് ബ്രസീല് – മൊറോക്കോ മത്സരം അരങ്ങേറുക. ന്യൂ യോര്ക്ക് ന്യൂ ജേഴ്സി സ്റ്റേഡിയമാണ് വേദി.
ഫിഫ ലോകകപ്പില് ഇതുവരെ ഒരുതവണ മാത്രമാണ് ബ്രസീലും മൊറോക്കോയും ഏറ്റുമുട്ടിയത്. 1998 ലോകകപ്പിലായിരുന്നു ഇത്. അന്ന് ഏകപക്ഷീയമായ മൂന്ന് ഗോളുകള്ക്ക് ബ്രസീല് വിജയം സ്വന്തമാക്കിയിരുന്നു.
എന്നാല്, 2023ല് മൊറോക്കോ സൗഹൃദ മത്സരത്തില് ബ്രസീലിനെ പരാജയപ്പെടുത്തിരുന്നു. അന്ന് ഒന്നിനെതിരെ രണ്ട് ഗോളുകള്ക്കായിരുന്നു ആഫ്രിക്കന് കരുത്തരുടെ വിജയം.
ബ്രസീല്.
അതേസമയം, 2026 ലോകകപ്പില് ബ്രസീല് ഹെയ്തിയെയും സ്കോട്ട്ലാന്ഡിനെയും ഗ്രൂപ്പ് ഘട്ടത്തില് നേരിടും. ഹെയ്തിക്കെതിരെ ജൂണ് 20നും സ്കോട്ട്ലാന്ഡിനെതിരെ ജൂണ് 25നുമാണ് കാനറിപ്പട ഇറങ്ങുക.
Content Highlight: Neymar Jr ruled out of Brazil’s opening match of FIFA World Cup 2026 against Morocco
