ന്യൂസ് ഡെസ്‌ക്
ന്യൂസ് ഡെസ്‌ക്
kERALA NEWS
‘സ്ത്രീകളോട് പെരുമാറേണ്ടത് ഇങ്ങനെയല്ല’; രാജേന്ദ്രനെതിരായ നടപടി കൂടിയാലോചനകള്‍ക്ക് ശേഷമെന്ന് എം.എം മണി
ന്യൂസ് ഡെസ്‌ക്
6 days ago
Monday 11th February 2019 10:32pm

തിരുവനന്തപുരം: ദേവികുളം സബ് കളക്ടര്‍ രേണുരാജിനെതിരായ എസ്. രാജേന്ദ്രന്‍ എം.എല്‍.എയുടെ പരാമര്‍ശം തള്ളി വൈദ്യുതി മന്ത്രി എം.എം മണി. സബ് കളക്ടര്‍ക്കെതിരായ രാജേന്ദ്രന്റെ പരാമര്‍ശം തെറ്റാണ്. എം.എല്‍.എ പിന്നീട് നടത്തിയ ഖേദപ്രകടനത്തിലെ പരാമര്‍ശവും ശരിയായില്ലെന്ന് മണി പറഞ്ഞു.

‘സ്ത്രീകളോട് പെരുമാറേണ്ടത് ഇങ്ങനെയല്ല. ഉചിതമായ നടപടി കൂടിയാലോചനകള്‍ക്ക് ശേഷം ഉണ്ടാകും’

നേരത്തെ സി.പി.ഐ.എം ഇടുക്കി ജില്ലാ സെക്രട്ടറിയേറ്റും രാജേന്ദ്രനെ തള്ളി രംഗത്തെത്തിയിരുന്നു.

ALSO READ: ശബരിമലയിലേത് 2018 ലെ ചരിത്രവിധി; പൗരാവകാശത്തിന്റെ ഭാഗം മാത്രമാണ് മതസ്വാതന്ത്ര്യമെന്നും ജസ്റ്റിസ് ഡി.വൈ ചന്ദ്രചൂഡ്

സ്ത്രീ സമത്വവും ശാക്തീകരണവും നയമാക്കിയ പാര്‍ട്ടി രാജേന്ദ്രന്റെ പ്രസ്താവന തള്ളുന്നുവെന്ന് വാര്‍ത്താക്കുറിപ്പില്‍ പറഞ്ഞു. പാര്‍ട്ടിയുടെ കാഴ്ചപ്പാടിന് വിരുദ്ധമാണ് എം.എല്‍.എ നടത്തിയ പ്രസ്താവന. മാധ്യമങ്ങളിലൂടെ അദ്ദേഹം നടത്തിയ അഭിപ്രായ പ്രകടനങ്ങളോടും പാര്‍ട്ടി യോജിക്കുന്നില്ല.



ജനപ്രതിനിധി എന്ന നിലയില്‍ പ്രശ്നത്തില്‍ ഇടപെട്ട് പരിഹാരം കാണുകയാണ് എം.എല്‍.എ ചെയ്യേണ്ടിയിരുന്നത്. എന്നാല്‍ സബ് കളക്ടര്‍ക്കെതിരെ അദ്ദേഹത്തില്‍നിന്ന് മോശമായ പ്രതികരണമുണ്ടായി. ഇക്കാര്യത്തില്‍ പാര്‍ട്ടി ചര്‍ച്ചചെയ്ത് ഉചിതമായ നടപടി സ്വീകരിക്കുമെന്നും വാര്‍ത്താക്കുറിപ്പില്‍ പറയുന്നു.

ALSO READ: തലശ്ശേരി സെഷന്‍സ് കോടതിയില്‍ വിചാരണ നടന്നാല്‍ നീതികിട്ടുമെന്ന് പ്രതീക്ഷിക്കുന്നില്ല; ഷൂക്കൂര്‍ വധക്കേസ് സി.ബി.ഐ കോടതിയിലേക്കോ കണ്ണൂരിന് പുറത്തേക്കോ മാറ്റണം: ഷുക്കൂറിന്റെ കുടുംബം

സബ് കളക്ടര്‍ക്കെതിരെ നടത്തിയ പരാമര്‍ശത്തിന്റെ പേരില്‍ എസ്.രാജേന്ദ്രന്‍ കഴിഞ്ഞ ദിവസം ഖേദപ്രകടനം നടത്തിയിരുന്നു. പിന്നാലെയാണ് പ്രസ്താവന തള്ളി സി.പി.ഐ.എം രംഗത്തെത്തിയിട്ടുള്ളത്.

സ്റ്റോപ്പ് മെമ്മോ അവഗണിച്ച് പഞ്ചായത്ത് ഷോപ്പിങ് കോംപ്ലക്സ് നിര്‍മിക്കുന്നത് തടയാനെത്തിയ റവന്യൂ സംഘത്തോടാണ് എം.എല്‍.എ. തട്ടിക്കയറിയത്. ദേവികുളം സബ്കളക്ടര്‍ രേണുരാജിന് ബുദ്ധിയില്ലെന്ന തരത്തിലായിരുന്നു എസ്. രാജേന്ദ്രന്‍ എം.എല്‍.എയുടെ പരാമര്‍ശം.

WATCH THIS VIDEO:

Advertisement