![?php echo $post['title']; ?>](https://assets.doolnews.com/w/900x473/2026/08/litton-das.jpg)
ബംഗ്ലാദേശിന്റെ ഓസ്‌ട്രേലിയന്‍ പര്യടനത്തില്‍ പാടെ മങ്ങി ബംഗ്ലാദേശ് സൂപ്പര്‍ താരം ലിട്ടണ്‍ ദാസ്. രണ്ട് മത്സരങ്ങളില്‍ നിന്നായി ബാറ്റെടുത്ത മൂന്ന് ഇന്നിങ്‌സിലും ഒറ്റ റണ്‍സ് പോലും കണ്ടെത്താന്‍ സാധിക്കാതെയാണ് ബംഗ്ലാദേശ് വിക്കറ്റ് കീപ്പര്‍ നിരാശപ്പെടുത്തിയത്.
ഡാര്‍വിനില്‍ ബംഗ്ലാദേശ് വിജയിച്ച ആദ്യ ടെസ്റ്റിന്റെ ഒന്നാം ഇന്നിങ്‌സില്‍ മാത്രമാണ് ലിട്ടണ്‍ ദാസിന് ബാറ്റ് ചെയ്യാന്‍ അവസരം ലഭിച്ചത്. ആറാം നമ്പറില്‍ കളത്തിലിറങ്ങിയ താരം 12 പന്ത് നേരിട്ട് ഒറ്റ റണ്‍സ് പോലും നേടാതെ മടങ്ങി. മിച്ചല്‍ സ്റ്റാര്‍ക്കിന്റെ പന്തില്‍ സ്റ്റീവ് സ്മിത്തിന് ക്യാച്ച് നല്‍കിയായിരുന്നു ദാസിന്റെ മടക്കം.
22 balls, five wickets, one Mitchell Starc #AUSvBAN
Catch up on a stunning start: https://t.co/drrfqp5tb0 pic.twitter.com/JLTQq5EZO9
— cricket.com.au (@cricketcomau) August 22, 2026
രണ്ടാം ഇന്നിങ്‌സില്‍ ബംഗ്ലാദേശ് ഒറ്റ റണ്‍സ് മാത്രം നഷ്ടപ്പെടുത്തി വിജയലക്ഷ്യം മറികടന്നതോടെ രണ്ടാം ഇന്നിങ്‌സില്‍ താരത്തിന് ബാറ്റിങ്ങിനിറങ്ങേണ്ടി വന്നില്ല.
ഗ്രേറ്റ് ബാരിയര്‍ റീഫ് അരീനയില്‍ നടന്ന രണ്ടാം ടെസ്റ്റിലെ ആദ്യ ഇന്നിങ്‌സില്‍ അഞ്ച് പന്ത് നേരിട്ടായിരുന്നു പൂജ്യം റണ്‍സിന് ലിട്ടണ്‍ ദാസ് പുറത്തായത്.
ഏഴാം ഓവറിലെ നാലാം പന്തില്‍ വിക്കറ്റിന് മുമ്പില്‍ കുടുങ്ങിയാണ് ദാസ് പുറത്തായത്. വിക്കറ്റിനായുള്ള അപ്പീല്‍ ആദ്യം അമ്പയര്‍ കുമാര്‍ ധര്‍മസേന നിഷേധിച്ചു. എന്നാല്‍ ഡി.ആര്‍.എസിലൂടെ ഓസീസ് നായകന്‍ പാറ്റ് കമ്മിന്‍സ് ആ വിക്കറ്റ് നേടിയെടുക്കുകയായിരുന്നു.
“I hope this is out.” 😂
Beau Webster dropped a simple one, but Mitchell Starc struck the very next ball anyway. Fair to say Alex Carey enjoyed that! #AUSvBAN pic.twitter.com/zMsbcQV2ep
— cricket.com.au (@cricketcomau) August 22, 2026
ആദ്യ ഇന്നിങ്‌സില്‍ നേരിട്ട തിരിച്ചടിക്ക് രണ്ടാം ഇന്നിങ്‌സില്‍ താരം മറുപടി നല്‍കുമെന്ന് പ്രതീക്ഷിച്ചെങ്കിലും ഇത്തവണയും മിച്ചല്‍ സ്റ്റാര്‍ക് എന്ന കൊടുങ്കാറ്റ് ബംഗ്ലാദേശ് വിക്കറ്റ് കീപ്പര്‍ക്ക് മുമ്പില്‍ പ്രതിബന്ധമായി നിലകൊണ്ടു.
നേരിട്ട പത്താം പന്തില്‍ ബ്യൂ വെബ്സ്റ്ററിന് ക്യാച്ച് നല്‍കി മൂന്നാം തവണയും ലിട്ടണ്‍ ദാസ് സംപൂജ്യനായി മടങ്ങി.
ഇതോടെ ഒരു മോശം റെക്കഡും ദാസിന്റെ പേരില്‍ കുറിക്കപ്പെട്ടു. ഓസ്‌ട്രേലിയയില്‍ മൂന്നോ അതിലധികമോ ഇന്നിങ്‌സുകളില്‍ 0.00 എന്ന ബാറ്റിങ് ശരാശരി രേഖപ്പെടുത്തുന്ന നാലാമത് മാത്രം താരമാണ് ലിട്ടണ്‍ ദാസ്.
ഇന്ത്യന്‍ താരങ്ങളായ സി.ആര്‍. രംഗാചാരി (1948), ആശിഷ് നെഹ്‌റ (2003), ശ്രീലങ്കന്‍ താരം ചനക വെലദേഗര (2012) എന്നിവരാണ് ഈ അനാവശ്യ നേട്ടത്തിലെ മറ്റ് താരങ്ങള്‍. ഇവര്‍ മൂന്ന് പേരും പ്രോപ്പര്‍ ബൗളര്‍മാരും ലിട്ടണ്‍ ദാസ് വിക്കറ്റ് കീപ്പര്‍ ബാറ്റര്‍ ആണ് എന്നതും ഇതോടൊപ്പം ചേര്‍ത്തുവായിക്കണം.
Content highlight: Litton Das was dismissed for a duck in all three innings of the Australian tour.
