2026 ഫിഫ ലോകകപ്പിലെ ആദ്യ മത്സരത്തില് മെക്സിക്കോ ഗംഭീര വിജയവുമായി വരവറിയിച്ചിരിക്കുകയാണ്. സ്വന്തം തട്ടകമായ ആസ്റ്റെക സ്റ്റേഡിയത്തില് നടന്ന മത്സരത്തില് സൗത്ത് ആഫ്രിക്കയെ എതിരില്ലാത്ത രണ്ട് ഗോളുകള്ക്ക് കീഴടക്കിയാണ് ഗ്രൂപ്പ് എ-യില് മെക്സിക്കോ വിജയത്തോടെ തുടക്കം കുറിച്ചത്.
മത്സരം തുടങ്ങി ഒമ്പതാം മിനിട്ടില് തന്നെ മെക്സിക്കോ ആദ്യ ഗോള് സ്വന്തമാക്കി. സൗത്ത് ആഫ്രിക്കയുടെ ഡിഫന്സ് മറികടന്ന് എറിക് ലിറയുടെ പാസില് ജൂലിയന് ക്വിനോനസാണ് മെക്സിക്കോയ്ക്ക് ആദ്യ ഗോള് നേടിക്കൊടുത്തത്.
Three points. One team. Millions of Incondicionales. 👊🇲🇽
A strong start to the group stage, playing with pride and feeling your support every minute.
രണ്ടാം പകുതിയില് ജിമിനെസ് രണ്ടാം ഗോളും നേടി മെക്സിക്കോയുടെ വിജയം ഉറപ്പാക്കി. മത്സരത്തിന്റെ 67ാം മിനിറ്റില് റോബര്ട്ടോ അല്വറാഡോയുടെ ക്രോസില് ഒരു തകര്പ്പന് ഹെഡറിലൂടെയാണ് ജിമിനെസ് രണ്ടാം ഗോള് നേടിയത്.
ഈ ലോകകപ്പിലെ ആദ്യ ഗോള് നേടിയതോടെ ലോകകപ്പിന്റെ ചരിത്രത്താളുകളിലും ജൂലിയന് ക്വിനോന ഇടം നേടി. ഓരോ ലോകകപ്പ് എഡിഷനിലും ആദ്യ ഗോള് നേടുന്ന താരങ്ങളുടെ പട്ടികയിലാണ് മെക്സിക്കോ താരം തന്റെ പേര് എഴുതി ചേര്ത്തത്.
ബ്രസീലിയന് ഇതിഹാസം പെലെ, മുന് ജര്മന് നായകന് ഫിലിപ് ലാം, ജര്മന് ഇതിഹാസം യുര്ഗന് ക്ലിന്സ്മാന് തുടങ്ങിയ വമ്പന് താരങ്ങളുള്ള ലിസ്റ്റിലേക്കാണ് മെക്സിക്കോയുടെ 29കാരന് ഇടം നേടിയത്.
അതേസമയം മത്സരത്തില് നാടകീയ സംഭവങ്ങള് അരങ്ങേറിയിരുന്നു. മൂന്ന് താരങ്ങളാണ് ചുവപ്പ് കാര്ഡ് കണ്ട് മടങ്ങിയത്. സൗത്ത് ആഫ്രിക്കയുടെ രണ്ട് താരങ്ങളും മെക്സിക്കോയുടെ ഒരു താരവുമാണ് റെഡ് കാര്ഡ് കണ്ട് മടങ്ങിയത്.
മെക്സിക്കോയുടെ സെസാര് മോണ്ടെസ്, സൗത്ത് ആഫ്രിക്കയുടെ യായ സിതോളെ, തെംബ സ്വാനെ എന്നിവര്ക്കാണ് റഫറി ചുവപ്പുകാര്ഡ് നല്കി പുറത്താക്കിയത്.
ലോകകപ്പില് ജൂണ് 19നാണ് മെക്സിക്കോ അടുത്ത മത്സരത്തിനിറങ്ങുന്നത്. ഏഷ്യന് വമ്പന്മാരായ സൗത്ത് കൊറിയയാണ് മെക്സിക്കോയുടെ എതിരാളികള്.
Content Highlight: Julian Quinones joins the list of players who have scored the first goal in every World Cup edition
