2026ലെ ബാലൺ ഡി ഓർ അവാർഡുകൾ പ്രഖ്യാപിച്ചു. മികച്ച വനിതാ താരത്തിനുള്ള അവാർഡ് ബാഴ്സലോണയുടെ സ്പാനിഷ് താരം അലക്സിയ പുട്ടെല്ലാസ് സ്വന്തമാക്കിയപ്പോൾ മികച്ച പുരുഷതാരമായി ഇംഗ്ലണ്ട് നായകൻ ഹാരി കെയ്ൻ തെരഞ്ഞെടുക്കപ്പെട്ടു. കഴിഞ്ഞ സീസണിലെ മിന്നും പ്രകടനങ്ങൾക്ക് പിന്നാലെയാണ് ഇരുവരെയും തേടി ലോക ഫുട്ബോളിലെ ഈ വലിയ ബഹുമതി തേടിയെത്തിയത്.

കഴിഞ്ഞ സീസണിൽ യുവേഫ വനിത ചാമ്പ്യൻസ് ലീഗ്, യുവേഫ നേഷൻസ് ലീഗ്, സൂപ്പർ കോപ്പ ഡി എസ്പാന്യ, ലിഗ എഫ്, കോപ്പ ഡെ ലാ റെയ്ന എന്നീ കിരീടങ്ങളാണ് പുട്ടെല്ലാസ് കൈപ്പിടിയിലാക്കിയത്. കഴിഞ്ഞ സീസണിൽ 53 മത്സരങ്ങളിൽ നിന്നും 26 ഗോളുകളും 15 അസിസ്റ്റുകളും സ്പാനിഷ് താരം നേടിയിട്ടുണ്ട്.

താരത്തിന്റെ മൂന്നാം ബാലൺ ഡി ഓർ നേട്ടമാണിത്. ഇതിനുമുമ്പ് 2021, 2022 എന്നീ വർഷങ്ങളിലായിരുന്നു പുട്ടെല്ലാസ് ലോകത്തിന്റെ നെറുകയിലെത്തിയത്. വനിതാ ബാലൺ ഡി ഓർ മൂന്ന് തവണ സ്വന്തമാക്കുന്ന രണ്ടാമത്തെ താരമായും പുട്ടെല്ലാസ് മാറി.

പുരുഷ വിഭാഗത്തിൽ ഹാരി കെയ്ൻ തന്റെ കരിയറിലെ ആദ്യ ബാലൺ ഡി ഓർ അവാർഡാണ് കൈപ്പിടിയിലാക്കിയത്. 2001ന് ശേഷം ആദ്യമായാണ് ഒരു ഇംഗ്ലണ്ട് താരം ബാലൺ ഡി ഓർ വിജയിക്കുന്നത്. മൈക്കൽ ഓവൻ ആയിരുന്നു ഇതിനുമുമ്പ് അവസാനമായി ബാലൺ ഡി ഓർ വിജയിച്ച ഇംഗ്ലണ്ട് താരം.

2025-26 സീസണിലെ മികച്ച ഗോൾ വേട്ടക്കാരനുള്ള ഗോൾഡൻ ബൂട്ട് സ്വന്തമാക്കിയത് ഹാരി കെയ്നായിരുന്നു. ക്ലബ്ബിന് വേണ്ടിയും രാജ്യത്തിനും വേണ്ടിയും നടത്തിയ അമ്പരപ്പിക്കുന്ന ഗോൾ വേട്ടയാണ് കെയ്‌നിനെ ഈ നേട്ടത്തിന് അർഹനാക്കിയത്. കഴിഞ്ഞ സീസണിൽ ബയേൺ മ്യൂണിക്കിനൊപ്പം രണ്ട് കിരീടങ്ങളാണ് കെയ്ൻ സ്വന്തമാക്കിയത്. ബുണ്ടസ്ലീഗ കിരീടവും ഡി.എഫ്.ബി പോക്കലുമാണ് ജർമൻ വമ്പന്മാർക്കൊപ്പം കെയ്ൻ സ്വന്തമാക്കിയത്.

ബവേറിയൻസിന്റെ മുന്നേറ്റനിരയിൽ ശ്രദ്ധേയമായ പ്രകടനമായിരുന്നു കെയ്ൻ നടത്തിയിരുന്നത്. 61 ഗോളുകളാണ് ഇംഗ്ലണ്ട് താരം ബയേൺ മ്യൂണിക്കിന് വേണ്ടി അടിച്ചുകൂട്ടിയത്.

2026 ഫിഫ ലോകകപ്പിലും ഇംഗ്ലണ്ടിനൊപ്പം മികച്ച പ്രകടനമാണ് താരം കാഴ്ചവെച്ചത്. ലോകകപ്പിൽ ഇംഗ്ലണ്ടിനൊപ്പം സെമി ഫൈനൽ വരെ മുന്നേറാൻ കെയ്നിന് സാധിച്ചിരുന്നു. സെമിയിൽ അർജന്റീനക്ക് മുന്നിൽ കീഴടക്കിയാണ് ഇംഗ്ലണ്ട് ലോകകപ്പെന്ന സ്വപ്നം ബാക്കിയാക്കി മടങ്ങിയത്.

കിരീടം നഷ്ടമായെങ്കിലും ലോകകപ്പിലെ കെയ്‌നിന്റെ പ്രകടനം ഏറെ ശ്രദ്ധേയമായിരുന്നു. ആറ് ഗോളുകളും ഒരു അസിസ്റ്റും നേടിയാണ് താരം തിളങ്ങിയത്. ലോകകപ്പ് ചരിത്രത്തിലെ തന്റെ ഗോൾ നേട്ടം 14 ആക്കി ഉയർത്താനും കെയ്നിന് സാധിച്ചിരുന്നു.10 ഗോളുകൾ നേടിയ മുൻ താരം ഗാരി ലിനേക്കറെ മറികടന്നാണ് ഇംഗ്ലണ്ട് നായകൻ കുതിച്ചത്.

പുരുഷ വിഭാഗത്തിൽ റയൽ മാഡ്രിഡിന്റെ ഫ്രഞ്ച് സൂപ്പർതാരം കിലിയൻ എംബാപ്പെ രണ്ടാം സ്ഥാനത്ത് എത്തിയപ്പോൾ ബാഴ്സലോണയുടെ സ്പാനിഷ് യുവതാരം ലാമിൻ യമാൽ മൂന്നാം സ്ഥാനവും സ്വന്തമാക്കി. സ്പാനിഷ് നായകൻ റോഡ്രി നാലാമതും അർജന്റൈൻ ഇതിഹാസം ലയണൽ മെസി അഞ്ചാം സ്ഥാനത്തും ഫിനിഷ് ചെയ്തു.

മാറ്റ് പ്രധാന പുരസ്‌കാര ജേതാക്കൾ

മികച്ച യുവതാരം

വനിത കോപ ട്രോഫി-വിക്കി ലോപസ്

പുരുഷ കോപ ട്രോഫി – ലാമിൻ യമാൽ

മികച്ച ഗോൾകീപ്പർ

വനിതാ യാഷിൻ ട്രോഫി – കാറ്റെ കോൾ

പുരുഷ യാഷിൻ ട്രോഫി – ഉനായ് സിമോൺ

മികച്ച കോച്ച്

മികച്ച വനിത കോച്ച് -പെരേ റോമ്യു

മികച്ച പുരുഷ പരിശീലകൻ – ലൂയിസ് ഡി ലാ ഫ്യുണ്ടെ

മികച്ച ക്ലബ്ബ്

വനിതാ വിഭാഗത്തിലെ മികച്ച ക്ലബ്ബ് – ബാഴ്സലോണ

പുരുഷ വിഭാഗത്തിലെ മികച്ച ക്ലബ്ബ് – പി എസ് ജി

സോക്രട്ടീസ് പുരസ്കാരം (സാമൂഹ്യ സേവനം) – ബുക്കായോ സാക്ക

വനിതാ ഗെർഡ് മുള്ളർ ട്രോഫി – ചാർലിൻ കൊറോൾ

പുരുഷ ഗെർഡ് മുള്ളർ ട്രോഫി – ഹാരി കെയ്ൻ

ഇത്തവണ ബാലൺ ഡി ഓർ ചടങ്ങ് ലണ്ടനിൽ വെച്ചാണ് നടന്നത്. ചരിത്രത്തിൽ ആദ്യമായാണ് ബാലൺ ഡി ഓർ ചടങ്ങ് പാരീസിന് പുറത്ത് വെച്ച് നടക്കുന്നത്. 1956ലെ ബാലൺ ഡി ഓർ ജേതാവായ സർ സ്റ്റാൻലി മാത്യുസിനോടുള്ള ആദരസൂചകമായാണ് ഇത്തവണത്തെ ബാലൺ ഡി ഓർ ചടങ്ങ് അരങ്ങേറിയത്.

 

Content Highlight: Harry Kane and Alexia Putellas won the 2026 Ballon d’Or

 

Related Topics

Alexia Putellas Ballon d`Or Harry Kane