ഐ.പി.എല്ലില് കഴിഞ്ഞ ദിവസം നടന്ന മത്സരത്തില് ദല്ഹി ക്യാപിറ്റല്സിനോട് പഞ്ചാബ് കിങ്സ് പരാജയപ്പെട്ടിരുന്നു. സ്വന്തം തട്ടകമായ ധര്മശാലയില് നടന്ന മത്സരത്തില് മൂന്ന് വിക്കറ്റിനാണ് ടീം തോല്വി വഴങ്ങിയത്. ഇതോടെ ഈ സീസണില് തുടര്ച്ചയായ നാലാം തോല്വിയും പഞ്ചാബ് നേരിട്ടു.
മത്സരത്തില് പഞ്ചാബ് നിരയില് പ്രിയാന്ഷ് ആര്യ അര്ധ സെഞ്ച്വറി നേടി തിളങ്ങിയിരുന്നു. താരം 33 പന്തില് 56 റണ്സാണ് അടിച്ചത്. ആറ് സിക്സറുകളും രണ്ട് ഫോറുകളുമായിരുന്നു താരത്തിന്റെ ഇന്നിങ്സില് പിറന്നത്.
പ്രിയാൻഷ് ആര്യ. Photo: IndianPremierLeague/x.com
മത്സരത്തിന്റെ ആദ്യ പന്ത് തന്നെ സിക്സറടിച്ച് തുടങ്ങിയ പ്രിയാന്ഷ് ഒരു സൂപ്പര് നേട്ടവും സ്വന്തമാക്കി. ഐ.പി.എല്ലില് 2025 സീസണ് മുതല് പവര്പ്ലേയില് ഏറ്റവും സിക്സടിക്കുന്ന രണ്ടാമത്തെ താരം എന്ന നേട്ടമാണ് പഞ്ചാബ് ഓപ്പണര് നേടിയത്. 40 സിക്സറുകളുമായാണ് താരം രണ്ടാം സ്ഥാനത്തെത്തിയത്.
സണ്റൈസേഴ്സ് ഹൈദരാബാദ് ഓപ്പണര് അഭിഷേക് ശര്മയെ മറികടന്നാണ് പ്രിയാന്ഷിന്റെ നേട്ടം. അഭിഷേകിന് 39 സിക്സറുകളാണുള്ളത്.
വൈഭവ് സൂര്യവംശി – 46
പ്രിയാന്ഷ് ആര്യ – 40
അഭിഷേക് ശര്മ – 39
മിച്ചല് മാര്ഷ് – 34
യശസ്വി ജെയ്സ്വാള് – 33
റിയാന് റിക്കില്ട്ടണ് – 29
പ്രഭ്സിമ്രാന് സിങ് – 29
പ്രിയാൻഷ് ആര്യ. Photo: iplt20.com
ഈ സീസണില് പ്രിയാന്ഷ് മികച്ച പ്രകടനമാണ് നടത്തുന്നത്. 11 ഇന്നിങ്സില് കളിച്ച താരം 342 റണ്സ് എടുത്തിട്ടുണ്ട്. മൂന്ന് അര്ധ സെഞ്ച്വറികള് അടിക്കുകയും ചെയ്തു. 34.20 ശരാശരിയും 226.49 സ്ട്രൈക്ക് റേറ്റിലുമാണ് താരത്തിന്റെ ബാറ്റിങ്.
മെയ് 14നാണ് പഞ്ചാബിന്റെ അടുത്ത മത്സരം. സീസണില് നിന്ന് പുറത്തായ മുംബൈ ഇന്ത്യന്സാണ് എതിരാളികള്. പഞ്ചാബിന്റെ തട്ടകമായ ധര്മശാലയാണ് വേദി.
Content Highlight: IPL 2026: Priyansh Arya surpassed Abhishek Sharma in most powerplay sixes since 202 IPL season
