ന്യൂദല്ഹി: ലഡാക്കിലെ സംഘര്ഷപ്രദേശത്ത് നിന്ന് ഇരുസൈന്യങ്ങളും പിന്വാങ്ങിയെന്ന് ഇന്ത്യന് സൈന്യം ഔദ്യോഗികമായി അറിയിച്ചു. 20 ഇന്ത്യന് സൈനികര് കൊല്ലപ്പെട്ടിട്ടുണ്ടെന്ന് സൈന്യം അറിയിച്ചു.
17 സൈനികര്ക്ക് ഗുരുതരമായി പരിക്കേറ്റിരുന്നെന്നും അതിശൈത്യം കൂടെയുണ്ടായത് മരണത്തിന് കാരണമായെന്നും സൈന്യം പ്രസ്താവനയില് പറയുന്നു.
അതേസമയം ഇന്ത്യ – ചൈന അതിര്ത്തിയായ ലഡാക്കിലെ ഗാല്വന് താഴ്വരയില് ഉണ്ടായ സംഘര്ഷത്തില് 43 ചൈനീസ് പട്ടാളക്കാര് മരിക്കുകയോ ഗുരുതര പരിക്ക് ഏല്ക്കുകയോ ചെയ്തതായ റിപ്പോര്ട്ടുകള് പുറത്തുവരുന്നുണ്ട്.
വാര്ത്താ എജന്സിയായ എ.എന്.ഐ ആണ് ഇതുസംബന്ധിച്ച് റിപ്പോര്ട്ട് പുറത്തുവിട്ടത്. പി.ടി.ഐയും സര്ക്കാര് വൃത്തങ്ങളെ ഉദ്ധരിച്ച് വാര്ത്ത റിപ്പോര്ട്ട് ചെയ്തിട്ടുണ്ട്.
നേരത്തെ ലഡാക്കിലെ സംഘര്ഷത്തില് ഇരുരാജ്യങ്ങളിലും ആളപായമുണ്ടായെന്ന് ഇന്ത്യ വ്യക്തമാക്കിയിരുന്നു. ചര്ച്ച ചെയ്ത് വിഷയത്തില് പരിഹാരം കണ്ടെത്തണമെന്ന് വിദേശകാര്യമന്ത്രാലയം ആവശ്യപ്പെട്ടത്.
