'ഇരട്ട സെഞ്ച്വറി'യില്‍ വിറങ്ങലിച്ച് ഇന്ത്യ; ഇംഗ്ലണ്ട് തിരുത്തികുറിച്ചത് സ്വന്തം റെക്കോഡ്

ഇന്ത്യയും ഇംഗ്ലണ്ടും തമ്മിലുള്ള അവസാനത്തെയും അഞ്ചാമത്തേയും ടി – 20 മത്സരം ഇംഗ്ലണ്ടിലെ റോസ് ബൗള്‍ സ്റ്റേഡിയത്തില്‍ നടക്കുകയാണ്. മത്സരത്തില്‍ ആദ്യം ബാറ്റ് ചെയ്ത ഇംഗ്ലണ്ട് നിശ്ചിത ഓവറില്‍ മൂന്ന് വിക്കറ്റ് നഷ്ടത്തില്‍ 257 റണ്‍സെടുത്തിട്ടുണ്ട്. ജോസ് ബട്‌ലര്‍ – ഹരി ബ്രൂക്ക് കൂട്ടുകെട്ടാണ് ഇംഗ്ലണ്ടിന് മികച്ച സ്‌കോര്‍ സമ്മാനിച്ചത്.

മത്സരത്തില്‍ 257 റണ്‍സ് പടുത്തുയര്‍ത്തിയതോടെ ഇംഗ്ലണ്ട് ഒരു സൂപ്പര്‍ നേട്ടവും സ്വന്തമാക്കി. ഇന്ത്യക്കെതിരെ ടി – 20യില്‍ ഏറ്റവും ഉയര്‍ന്ന ടോട്ടല്‍ ഉയര്‍ത്തുന്ന ടീം എന്ന നേട്ടമാണ് ത്രീ ലയണ്‍സ് തങ്ങളുടെ പേരിലാക്കിയത്.

Wow.

Jos and Brooky making it look like Stick Cricket out there 🏏💥

Match Centre: https://t.co/KkYr6pRNVz pic.twitter.com/cF74AgJ3AU

— England Cricket (@englandcricket) July 11, 2026

തങ്ങളുടെ തന്നെ റെക്കോഡ് തിരുത്തി കുറിച്ചാണ് ഇംഗ്ലണ്ടിന്റെ നേട്ടം. ടി – 20 ലോകകപ്പിനിടെ ഇന്ത്യക്കെതിരെ ടീം ഏഴ് വിക്കറ്റിന് 246 റണ്‍സെടുത്തിരുന്നു. ഈ ടോട്ടലിനെ പിന്തള്ളിയാണ് ഇപ്പോള്‍ ഇംഗ്ലണ്ട് പുതിയ റെക്കോഡ് കുറിച്ചത്.