ഹുവായിക്ക് പൂര്‍ണ നിരോധനം ഇല്ല; ചൈനയെ പൂര്‍ണമായും കൈവിടാതെ ഫ്രാന്‍സ്
World News
ഹുവായിക്ക് പൂര്‍ണ നിരോധനം ഇല്ല; ചൈനയെ പൂര്‍ണമായും കൈവിടാതെ ഫ്രാന്‍സ്
ന്യൂസ് ഡെസ്‌ക്
Monday, 6th July 2020, 3:24 pm

പാരീസ്: ചൈനീസ് കമ്പനിയായ ഹുവായിയുടെ ഉപകരണങ്ങള്‍ക്ക് പൂര്‍ണ നിരോധനം ഏര്‍പ്പെടുത്തിയിട്ടില്ലെന്ന് വ്യക്തമാക്കി ഫ്രാന്‍സ്.

എന്നാല്‍ ചൈനീസ് കമ്പനിയിലേക്ക് മാറരുതെന്ന് ടെലികമ്മ്യൂണിക്കേഷന്‍ ദാതാക്കളോട് ആവശ്യപ്പെടുമെന്നും ദേശീയ സൈബര്‍ സുരക്ഷ ഏജന്‍സി (ANSSI) മേധാവി അറിയിച്ചു.

ഹുവായിക്ക് പൂര്‍ണമായി ഒരു നിരോധനം ഉണ്ടാവില്ല എന്ന സൂചനതന്നെയാണ് ഫ്രാന്‍സില്‍ നിന്നും ഉണ്ടാകുന്നത്. അതേസമയം ഹുവായ് ഉപയോഗിക്കുന്നതിന് പ്രോത്സാഹനം നല്‍കില്ലെന്നും ഫ്രാന്‍സ് വ്യക്തമാക്കി.

മൂന്ന് മുതല്‍ എട്ട് മാസം വരെ നീണ്ടുനില്‍ക്കുന്ന പെര്‍മിറ്റുകള്‍ ഇതിനകം തന്നെ ഹുവായി ഉപകരണങ്ങള്‍ ഉപയോഗിക്കുന്ന ഓപ്പറേറ്റര്‍മാര്‍ക്ക് നല്‍കുമെന്ന് മെന്നും, ഇത് ചൈനീസ് കമ്പനിയുടെ ഫ്രാന്‍സിന്റെ 5 ജി നെറ്റ്വര്‍ക്കിലേക്കുള്ള പ്രവേശനം പരിമിതപ്പെടുത്തുമെന്നുമാണ് റിപ്പോര്‍ട്ടുകള്‍.

ചൈനീസ് കമ്പനിയായ ഹുവായിക്ക് അമേരിക്ക നേരത്തെ തന്നെ നിരോധനം ഏര്‍പ്പെടുത്തിയിരുന്നു. രാജ്യസുരക്ഷയ്ക്ക് ഭീഷണിയാണെന്ന് ചൂണ്ടിക്കാട്ടിയാണ് നിരോധനം ഏര്‍പ്പെടുത്തിയത്.

ഇതിന് മുന്‍പ് സുരക്ഷാ ഭീഷണി ഉയര്‍ന്നെന്ന് ആരോപിച്ച് ഇന്ത്യ 59 ചൈനീസ് ആപ്പുകള്‍ നിരോധിച്ചിരുന്നു. ഇന്ത്യയ്ക്ക് പിന്നാലെയാണ അമേരിക്കയുടെ തീരുമാനം വന്നത്.

ഡൂള്‍ന്യൂസിനെ ഫേസ്ബുക്ക്ടെലഗ്രാംഹലോ പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക 

ഡൂള്‍ന്യൂസിനെ  സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ