![?php echo $post['title']; ?>](https://assets.doolnews.com/w/900x473/2021/10/fire.jpg)
ബെയ്‌റൂട്ട്: ലെബനനിലെ സഹാര്‍ണി ഓയില്‍ ഫാക്ടറിയില്‍ വന്‍ തീ പിടിത്തം. ഫാക്ടറിയിലെ ബെന്‍സീന്‍ സൂക്ഷിച്ചിരുന്ന ടാങ്കിനാണ് തീ പിടിച്ചത്. ലെബനന്‍ സൈനിക വക്താവാണ് ഇക്കാര്യം വ്യക്തമാക്കിയത്.
നിലവില്‍ സ്ഥിതി നിയന്ത്രണവിധേയമാണെന്ന് ലെബബന്‍ ഊര്‍ജമന്ത്രി വാലിദ് ഫയാദ് അറിയിച്ചു. ‘ഇപ്പോള്‍ കാര്യങ്ങള്‍ നിയന്ത്രണ വിധേയമാണ്. എങ്ങനെയാണ് തീ പിടിത്തം ഉണ്ടായത് എന്ന കാര്യം വ്യക്തമല്ല, ആരെങ്കിലും മനഃപൂര്‍വം തീ വെച്ചതാണോ എന്ന കാര്യത്തിലും ആശങ്കയുണ്ട്,’ ഫയാദ് പറഞ്ഞു.
തീ പിടിത്തത്തെ കുറിച്ച് അന്വേഷിക്കുന്നുണ്ടെന്നും അന്വേഷണ റിപ്പോര്‍ട്ട് വന്ന പ്രകാരം അതിനനുസരിച്ചുള്ള നടപടികള്‍ സ്വീകരിക്കുമെന്നും അദ്ദേഹം കൂട്ടിച്ചേര്‍ത്തു.
بالفيديو ـ إندلاع حريق كبير داخل منشأة النفط في #الزهراني جنوب #لبنان https://t.co/yLoDVe4cXk pic.twitter.com/SGWsGPnikG
— قنـــاة الجـــديـــد (@ALJADEEDNEWS) October 11, 2021
അഗ്നിശമന സേനയുടെ കൃത്യമായ ഇടപെടലുകളാണ് കാര്യങ്ങള്‍ കൈവിട്ടു പോവാതെ കാത്തത്. സംഭവത്തില്‍ ആര്‍ക്കും പരിക്കുകളില്ല.
‘സുരക്ഷാകാരണങ്ങള്‍ മുന്‍നിര്‍ത്തി പ്രദേശവാസികളെ ഒഴിപ്പിക്കുകയാണ്. തീ മറ്റു ടാങ്കുകളിലേക്കെത്താതിരക്കാനുള്ള പ്രവര്‍ത്തികള്‍ക്കാണ് ഇപ്പോള്‍ പ്രഥമ പരിഗണന നല്‍കുന്നത്,’ സുരക്ഷാ ഉഗ്യോഗസ്ഥര്‍ അറിയിച്ചു.
സര്‍ക്കാര്‍ വാങ്ങിയ പൊട്രോള്‍ ഡീസല്‍ എന്നിവയാണ് സഹാര്‍ണി ഓയില്‍ ഫാക്ടറിയിലെ ടാങ്കുകളില്‍ സൂക്ഷിച്ചിരിക്കുന്നത്. പട്ടാള ആവശ്യങ്ങള്‍ക്കുള്ള ഇന്ധനവും ഇവിയെ സൂക്ഷിച്ചിട്ടുണ്ടെന്ന് അധികൃതര്‍ അറിയിച്ചു.
ബെയ്‌റൂട്ട് തുറമുഖത്തില്‍ 200ലധികം ആളുകളുടെ മരണത്തിന് കാരണമായ സ്‌ഫോടനത്തിന് ഒരു വര്‍ഷത്തിന് ശേഷമാണ് സഹാര്‍ണി ഓയില്‍ ഫാക്ടറിയിലെ തീ പിടിത്തവും നടക്കുന്നത്.
ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: Fire breaks out at Lebanon’s Zahrani oil factory
