കല്‍പ്പറ്റ: വയനാട് മാനന്തവാടി വനമേഖലയില്‍ വീണ്ടും തീപിടിത്തം. മാനന്തവാടി പിലാക്കാവ് കമ്പവല വനപ്രദേശത്താണ് തീപിടിത്തമുണ്ടായത്.

തീപിടിത്തം സ്വാഭാവികമായി ഉണ്ടായതല്ലെന്ന് മാനന്തവാടി ഡി.എഫ്.ഒ മാര്‍ട്ടിന്‍ ലോവല്‍ പറഞ്ഞു. ആരെങ്കിലും കത്തിച്ചാല്‍ മാത്രമേ തീ ഇത്തരത്തില്‍ ആളി പടരുകയുള്ളുവെന്നും അദ്ദേഹം പറഞ്ഞതായി ഏഷ്യാനെറ്റ് ന്യൂസ് റിപ്പോര്‍ട്ട് ചെയ്തു.

ഇന്നലെ (തിങ്കള്‍) മാനന്തവാടി മേഖലയിലെ ഉള്‍വനത്തില്‍ 10 ഹെക്ടറോളം പുല്‍മേട് തീപിടിത്തത്തില്‍ കത്തിയിരുന്നു. കമ്പവല മേഖലയില്‍ തന്നെയാണ് ഇന്നലെയും തീപിടിത്തമുണ്ടായത്.

തുടര്‍ന്ന് വനംവകുപ്പ് ഉദ്യോഗസ്ഥര്‍ സ്ഥലത്തെത്തിയിരുന്നു. വനം വകുപ്പ്, ഫയര്‍ ഫോഴ്‌സ് സംഘങ്ങള്‍ ചേര്‍ന്ന് തീ അണക്കാനുള്ള ശ്രമങ്ങളും നടത്തിയിരുന്നു. എന്നാല്‍ തീ വീണ്ടും കൂടുതല്‍ ഭാഗങ്ങളിലേക്ക് വ്യാപിക്കുകയാണ് ഉണ്ടായത്.

തിങ്കളാഴ്ച ഉച്ചയോടെയാണ് ഉള്‍ക്കാടില്‍ തീപിടിത്തമുണ്ടായത്.

Content Highlight: DFO said that the fire in Mananthavadi forest area was not a natural occurrence