മലയാളികള്‍ക്ക് ഏറെ പരിചിതനായ നടനും തിരക്കഥാകൃത്തുമാണ് ബിബിന്‍ ജോര്‍ജ്. വിഷ്ണു ഉണ്ണികൃഷനുമായി ചേര്‍ന്ന് അമര്‍ അക്ബര്‍ അന്തോണി എന്ന ഹിറ്റ് ചിത്രത്തിന് തിരക്കഥയൊരുക്കിയത് ബിബിനായിരുന്നു. അവിടം മുതല്‍ക്കാണ് അദ്ദേഹം ശ്രദ്ധിക്കപ്പെടുന്നത്.

പിന്നീട് കട്ടപ്പനയിലെ ഋത്വിക് റോഷന്‍, ഒരു യമണ്ടന്‍ പ്രേമകഥ, വെടിക്കെട്ട് എന്നീ ചിത്രങ്ങള്‍ക്ക് വിഷ്ണുവിനൊപ്പം തിരക്കഥയൊരുക്കി. വെടിക്കെട്ട് സംവിധാനം ചെയ്തതും ഇരുവരും ചേര്‍ന്നായിരുന്നു. പിന്നീട് നിരവധി സിനിമകളില്‍ ബിബിന്‍ അഭിനയിച്ചിരുന്നു.

ഇപ്പോള്‍ കട്ടപ്പനയിലെ ഋത്വിക് റോഷന്‍ സിനിമയിലെ സലീംകുമാറിന്റെ നക്‌സലൈറ്റ് ചന്ദ്രന്‍ എന്ന കഥാപാത്രത്തെ കുറിച്ച് പറയുകയാണ് ബിബിന്‍ ജോര്‍ജ്. ആ കഥാപാത്രം ഇത്ര വൈറലാകുമെന്ന് അറിയില്ലായിരുന്നു എന്നാണ് അദ്ദേഹം പറയുന്നത്.

കോമഡി കുറവാണെന്ന് പറഞ്ഞ തിരക്കഥയായിരുന്നു ആ സിനിമയുടെ ആദ്യത്തെ പതിപ്പെന്നും തിരക്കഥ രണ്ടാമത് അഴിച്ചുപണിയുമ്പോള്‍ കിട്ടിയതാണ് നക്‌സല്‍ ചന്ദ്രന്‍ എന്ന കഥാപാത്രമെന്നും നടന്‍ പറയുന്നു. എങ്ങനെയെങ്കിലും തമാശ കൊണ്ടുവരാനുള്ള ശ്രമങ്ങളായിരുന്നു അന്ന് നടത്തിയതെന്നും ബിബിന്‍ കൂട്ടിച്ചേര്‍ത്തു.

‘കട്ടപ്പനയിലെ ഋത്വിക് റോഷന്‍ എന്ന സിനിമയിലെ സലീംകുമാറിന്റെ കഥാപാത്രമായ നക്‌സലൈറ്റ് ചന്ദ്രന്‍ ഇത്ര വൈറലാകുമെന്ന് ഞങ്ങള്‍ കരുതിയിരുന്നില്ല. കോമഡി കുറവാണെന്ന് പറഞ്ഞ തിരക്കഥയായിരുന്നു കട്ടപ്പനയിലെ ഋത്വിക് റോഷന്റെ ആദ്യത്തെ പതിപ്പ്.

തിരക്കഥ രണ്ടാമത് അഴിച്ചുപണിയുമ്പോള്‍ കിട്ടിയതാണ് സലീമേട്ടന്റെ നക്‌സല്‍ ചന്ദ്രന്‍ എന്ന കഥാപാത്രം. എങ്ങനെയെങ്കിലും തമാശ കൊണ്ടുവരാനുള്ള ശ്രമങ്ങളായിരുന്നു അന്ന് നടത്തിയത്.

അതേ ചിത്രത്തില്‍ കലാഭവന്‍ ഹനീഫ് ചെയ്ത സോമന്‍ എന്ന കഥാപാത്രമൊക്കെ ഒരൊഴുക്കില്‍ കിട്ടിയ കഥാപാത്രമാണ്. കാലങ്ങള്‍ക്കതീതമായി വരുന്ന ചിലതുണ്ടല്ലോ. പഴയ പാട്ടുകള്‍പോലും ഇന്ന് വൈറലാകുകയല്ലേ,’ ബിബിന്‍ ജോര്‍ജ് പറയുന്നു.

Content Highlight: Bibin George Talks About Kattappanayile Rithwik Roshan Movie