കുട്ടികളെ വെച്ച് സെക്‌സ് പാര്‍ട്ടി; പ്യാരേ മിയാന്‍ പിടിയില്‍
national news
കുട്ടികളെ വെച്ച് സെക്‌സ് പാര്‍ട്ടി; പ്യാരേ മിയാന്‍ പിടിയില്‍
ന്യൂസ് ഡെസ്‌ക്
Friday, 17th July 2020, 8:21 am

ഭോപാല്‍: പ്രായപൂര്‍ത്തിയാകാത്ത പെണ്‍കുട്ടികളെ വെച്ച് അപ്പാര്‍ടെമ്ന്റില്‍ സെക്‌സ്പാര്‍ട്ടി സംഘടിപ്പിക്കുകയും ലൈംഗികമായി ചൂഷണം ചെയ്യുകയും ചെയ്ത കേസില്‍ പ്രതിയായ പ്യാരേ മിയാന്‍ പിടിയില്‍. ഭേപ്പാലിലെ പ്രാദേശിക പത്രത്തിന്റെ ഉടമയായ പ്രതി ഒളിവിലായിരുന്നു. ശ്രീനഗറില്‍ വെച്ചാണ് അറസ്റ്റ് ചെയ്യപ്പെട്ടത്.

ജൂലൈ പന്ത്രണ്ടിന് ഭോപ്പാലിലെ രാത്തിബാദ് മേഖലയില്‍ പതിനാലിനും പതിനേഴിനും ഇടയില്‍ പ്രായമുള്ള അഞ്ചോളം പെണ്‍കുട്ടികളെ ദുരൂഹസാഹചര്യത്തില്‍ കണ്ടെത്തിയതോടെയാണ് പ്യാരേ മിയാനെക്കുറിച്ചുള്ള വിവരങ്ങള്‍ പുറത്തറിയുന്നത്. പ്യാരേ മിയാന്‍ തങ്ങളെ പാര്‍ട്ടിക്ക് ക്ഷണിച്ചിരുന്നതായും മദ്യം നല്‍കിയെന്നും ഇവര്‍ പൊലീസ് ചോദ്യം ചെയ്യലില്‍ വെളിപ്പെടുത്തി. ഒപ്പം നിരവധി തവണ ഇയാള്‍ ലൈംഗികമായി തങ്ങളെ പീഡിപ്പിച്ചുണ്ടെന്നും കുട്ടികള്‍ മൊഴി നല്‍കി.

ഇതിനു പിന്നാലെ ഇയാളുടെ ഫ്‌ളാറ്റില്‍ പൊലീസ് റെയ്ഡ് നടത്തുകയായിരുന്നു. ഫ്‌ളാറ്റില്‍ സെക്‌സ് ടോയ്‌സ്, ലൈംഗിക ഉത്തേജന മരുന്നുകള്‍, ആഡംബര കാറുകള്‍, വിദേശ മദ്യം,തുടങ്ങിയവ പൊലീസ് കണ്ടെടുത്തു. പ്രായപൂര്‍ത്തിയാകാത്ത കുട്ടികളെ ഇയാള്‍ വിദേശ രാജ്യങ്ങളിലേക്ക് കൊണ്ടു പോയിരുന്നതായി പൊലീസിനു വിവരം ലഭിച്ചിട്ടുണ്ട്. ദുബായ്, തായ്‌ലന്റ്, സ്വിറ്റ്‌സര്‍ലന്റ് തുടങ്ങിയിടങ്ങളിലേക്ക് കുട്ടികളെ കടത്തിയിരുന്നതായി പൊലീസ് വ്യക്തമാക്കി.

പൊലീസ് പിടിയിലാവുമെന്നായതോടെ ഇയാള്‍ ഒളിവില്‍ പോവുകയായിരുന്നു. ഇയാളെ പിടികൂടുന്നവര്‍ക്ക് 30000 രൂപ പാരിതോഷികം പ്രഖ്യാപിച്ചിരുന്നു. ഇയാള്‍ക്കൊപ്പം അറസ്റ്റിലായ വനിതാ മാനേജരാണ് പെണ്‍കുട്ടികളെ ഈ ഫ്‌ളാറ്റുകളില്‍ എത്തിച്ചിരുന്നത്.

ഡൂള്‍ന്യൂസിനെ ഫേസ്ബുക്ക്ടെലഗ്രാം,  പേജുകളിലൂടെയും ഫോളോ ചെയ്യാം. വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക

ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ